عمر كمال: التعليقات على صورتي مع دكتور مبروك عطية أحزنتني..وشخص في الجامع تجنب الصلاة بجواري في الصف

فى سينما وتلفزيون

الأربعاء , 24 مارس 2021 - 23:18

كشف الفنان عمر كمال كواليس الصورة التي جمعته بدكتور مبروك عطية، وردود الفعل بعد قيامه بنشر الصورة.

وفي مداخلة هاتفية مع الإعلامي عمرو عبد الحميد في برنامج "رأي عام" على قناة TeN TV، أوضح عمر كمال أن دكتور مبروك عطية اختاره ضمن ضيوف برنامج يقدمه في شهر رمضان، وقال: "دي حاجة شرفتني جدا، هو بيقدم مساعدات للناس وحاجة كلها خير، وبيجيب ناس تقدم معاه الحاجات دي، ممكن يكون عناصر الناس البسيطة في الشارع بتحبها."

وعن التعليقات على الصورة، قال: "لقيت تعليقات أحزنتني جدا. الناس كاتبة إيه ده، كنا بنحب الشيخ مبروك عطية، إيه جاب ده جنبه، بتاع الرقاصات والكباريهات."

وأضاف: "أنا عملت أغنية من شهرين « إنت معلمة » جابت 40 مليون، مع فنانة استعراضية اسمها لورديانا. لما الناس إتضايقت كتبت بوست على صفحتي وقلت من هنا ورايح مفيش أي حاجة مبتذلة لي، ومش حأجيب رقاصة تاني في أي عمل معايا."

وتابع: "مع إن الكليب جاب 40 مليون، وكان حيجيب 100 مليون، استثنيتها من الكليب، وعملت كليب أنا وحمو ونزلته على كلمات وصورة، وماقربتش من السكة دي تاني."

وعن شعوره بعد هذه التعليقات، قال: "أنا مش عارف إيه المشكلة معايا. لو ربنا كرمني بعربية ليه ركبت عربية. ربنا كرمني بدور في مسلسل في رمضان أو مسلسلين، وطالع بشخصيتي مطرب مهرجانات، لأ إزاي تمثل وليه، وبتوع المعهد راحوا فين."

وأضاف: "دخلت أصلي الجمعة من كام يوم، وبطلت أروح الجامع ده من الناس. الناس بتبص لي كأني حاجة غريبة، وجيت أصلي في الصف واحد بيقول للتاني أقف جنبه إنت أحس لو وقفت جنبه ربنا مش حيقبل مني صلاة، كأني منبوذ أو كافر."