إلهام شاهين: محمد منير صوت مصر الأصيلة

فى سينما وتلفزيون

الأربعاء , 24 مارس 2021 - 01:03

عرض برنامج "صاحبة السعادة" على قناة dmc فيديو تحدثت فيه الفنانة إلهام شاهين عن علاقتها وعلاقة عائلتها بالفنان محمد منير.

وقالت إلهام شاهين: "صوت منير هو صوت مصر الأصيلة. لما أسمعه خيالي يروح للنيل والأهرامات وآثارنا العظيمة، ويروح للأقصر وأسوان وكل ما فيهم من تراث حضاري عظيم."

وأضافت: "منير يمكن الفنان الوحيد في إجماع من عيلتي كلها كبار وصغيرين على حبه. هو صديق للكبار والصغيرين ويعرف يتفاهم مع الجميع، وعنده شخصية من الشخصيات النادرة. إحنا دايما على اتصال بمنير، ويفرحوا قوي لو يوم كلمنا وقال تعالوا أقعدوا معايا ونسهر مع بعض. ويقعد يدندن ويغني ونغني معاه، وبجد من أحلى الأوقات الّي بأقضيها في حياتي، وأكيد كل عيلتي حيقولوا نفس الكلام."

وتابعت: "كل أغاني منير القديمة طبعا تراث عظيم، أستمتع بيها كلها، لكن ألبومه الأخير « باب الجمال » كل أغنية أجمل من التانية وفيه حالة من البهجة. لازم لما نسمع الأغنية نبقى عايزين نغني معاه ونرقص ونفرح."