حورية فرغلي في تسجيل صوتي: صورتي المتداولة غير حقيقية..و"فيسبوك" عندي "هاكر" سرقه

فى حياة المشاهير

الثلاثاء , 23 مارس 2021 - 19:03

أوضحت الفنانة حورية فرغلي، في تسجيل صوتي لبرنامج "لايت شو" على قناة الحياة، أن الصورة المتداولة حديثا لها غير حقيقية.

وقالت حورية فرغلي: "أنا الحمد لله كويسة. عملت عمليتين والثالثة حأعملها الأربعاء بإذن الله. طبعا زعلانة جدا، لأن الصورة المتداولة صورة لأول عملية عملتها من 5 أو 6 سنين تقريبا وكانت في لندن، وكانت سبب فشل كل العمليات بعدها."

وأضافت: "دي مش الصورة الحقيقية دلوقت، ومش ده شكلي دلوقت. أنا الحمد لله أحسن بكتير. كانوا شالوا لي العظمة والمسمار كانت عندي، وكان لسه ماعملتش فيها أي حاجة. الصورة دي كانت عندي على فيسبوك، والفيسبوك عندي واحد هاكر سرقه كله، وعلشان كده ماعنديش فيسبوك، ومأعرفش إتاخدت إزاي."

وتابعت: "أنا مش حأتكسف أقول الصورة حقيقية لو حقيقية، وممكن أبعت صورتي الموجودة دلوقت، لكن مش عايزة أبعتها علشان الدكتور مارضاش أبعت أي صور إلا بعد العملية الرابعة ما تخلص."