ليلى علوي: أنا ومحمد منير مثلنا إننا بنحب بعض في "المصير"..وريحة الخيل كانت بشعة

فى سينما وتلفزيون

الثلاثاء , 23 مارس 2021 - 01:03

عرض برنامج "صاحبة السعادة" فيديو للفنانة ليلى علوي تحدثت فيه عن علاقتها بالفنان محمد منير، وذكرياتها معه في فيلم "المصير".

وقالت ليلى علوي: "في مشهد كنا بنصور في جبل مدرج، وعاملين خيمة صغيرة، وحطب بنهوي عليه، وكانت في ريحة بشعة جدا. أقول له في إيه يا منير إنت ريحتك فيها إيه، وهو يقول لي إنت ريحتك فيها إيه، وفي الآخر اكتشفنا ده خيل مزروط الدنيا كلها، وإحنا نبص لبعض ونضحك، ونمثل إننا بنحب بعض قوي، والريحة كانت قوية جدا."

وعن جذور إعجابها بمحمد منير، قالت: "أنا من أشد المعجبين بمحمد منير من أيام « شجر اللمون »، من الأغنيات كنت بأحب أسوق بيها العربية وأسافر، وأسمع الأغنية وأدندن معاها. طبعا إتقابلنا في مناسبات وحفلات ومهرجانات، لكن الفترة الّي عرفت فيها منير وقربنا من بعض وعاشرنا بعض في سفر، في فيلم « المصير »، وكنت مارة بظروف وفاة. لقيته بني آدم جدا وحساس جدا، وحنين ويحب يطبطب على الّي قدامه ويساعده."