خالد جواد: الدنيا كلها "المصحة"..و"السي ڤي" بتاعي شخص بسيط من الناس

فى سينما وتلفزيون

الاثنين , 22 مارس 2021 - 23:03

كشف المذيع خالد جواد سبب اختياره اسم "المصحة" لبرنامجه التليفزيوني.

وخلال استضافته في برنامج "يوم ليك"، الذي تقدمه الإعلامية سمر يسري على قناة الحياة، قال خالد جواد: "لما تمشي في الشارع، وتشوفي تصرفات الناس، الناس تصرفاتها غريبة جدا، وحتى تصرفاتك الشخصية. فالدنيا كلها عبارة عن مصحة، وعلشان كده عملنا « المصحة »، علشان نعمل حاجة لطيفة عن طريق الكوميديا."

وعن تفكيره في دخول عالم التمثيل، قال: "حلم التمثيل عندي من زمان جدا، لكن الموضوع صعب إلى حد ما. في المجال لازم يكون في مخرج صاحبك، منتج بيحبك، وأنا مأعرفش أعمل الحاجات دي. عندي علاقات وصحاب كتير مخرجين، لكن مأقدرش أطلب منهم أمثل، فأنا أخذت السوشيال ميديا سبيل ووسيلة تظهر شغلي."

وأضاف: "أنا شخص بسيط جدا من الناس، علشان كده لما أعمل فيديو الناس بتحب الحاجات الّي بأعملها، علشان شبه الناس بالضبط."