هند صبري تكشف سبب تجنبها البرامج الحوارية: بأحس إني رايحة أتهزأ

فى سينما وتلفزيون

الاثنين , 22 مارس 2021 - 22:02

قالت الفنانة هند صبري إن البرامج الحوارية شهدت في السنوات العشر الأخيرة طفرة في استفزاز الضيف.

وخلال استضافتها في برنامج "يوم ليك" على قناة الحياة، عرض البرنامج "سكرين شوت" مع عنوان "هند صبري تحبط محاولات طوني خليفة في استفزازها"، وسألت الإعلامية سمر يسري هند صبري إن كان هذا البرنامج (برنامج "لماذا" - عام 2009) سبب توقفها عن الظهور في البرامج الحوارية لفترة طويلة.

وقالت هند صبري: "مبدئيا أنا لا أتذكر هذا البرنامج، عندي مشكلة فظيعة في الذاكرة. طوني خليفة شخص لطيف جدا، وجزء من مهنته كمحاور أن يحاول استفزاز الفنان، وأنا أعرف قواعد اللعبة وأفهمها."

وأضافت: "حصلت طفرة في العشر سنين الأخيرة، بقى الموضوع مستفز بزياة، لدرجة إن الواحد بقى يحس رايح علشان يتهزأ. كان في موجة أي برنامج لازم يطلع منه الفنان متبهدل تماما، وإنت سويت وعملت وفلان قال لك، تبقي حاسة إنك بتتحاسبي. أنا مش الشخصية دي، ولا أحب الـ Buzz وإن الناس تتكلم عني بالحلو والوحش، ولا أحب أدي رأيي في حاجات لا تخصني قوي."

وتابعت: "طبعا كلنا لنا سهوات وهفوات، ودي ضريبة تسليط الأضواء عليكي. كل الناس ليهم هفواتهم، وساعات يقولوا حاجات ويندموا عليها، لكن محدش بيحاسبهم، لإن مفيش سوشيال ميديا ومفيش حد بيسجل لهم."