شريهان أبو الحسن: بأرفع سقف توقعات ابني في هدية عيد الأم..خاتم ألماظ أو أغير عربيتي

فى سينما وتلفزيون

الأحد , 21 مارس 2021 - 21:39

عرضت حلقة الأحد 21 مارس من برنامج "راجل و 2 ستات"، تقديم الإعلامية شريهان أبو الحسن، والفنانة هيدي كرم، والفنان سامح حسين، فقرة تحت عنوان "سؤال وسؤال - هدايا عيد الأم".

وقالت شريهان أبو الحسن: "أنا بأرفع سقف توقعات ابني علشان يتعود إن أمه بتطلب حاجات غالية، أقول له خاتم ألماظ، أو عايزة أغير عربيتي. بأحب الكروت الّي كان يقعد يعملها في الحضانة والمدرسة."

وقالت هيدي كرم: "وأنا محتفظة بيهم كلهم، عندي صندوق خشب مليان جوابات وكلام من نديم، في عيد الأم ومناسبات تانية. لما بينزل يشتري لي هدية يقول لي لازم أجيب لك أحسن حاجة."

وأضافت: "مهم آخد ولادي ننزل نشتري هدية عيد الأم، ابني أو بنتي وهما عندهم 5 أو 6 أو 7 سنين يتعودوا يعملوا التصرف دا، لأنه بعدين لما يكبروا ما يستنوش بابا يجيب لهم هدية عيد الأم، هما ينزلوا يعتمدوا على نفسهم ويجيبوا هدية عيد الأم."

وقال سامح حسين: "البنات هارييني ورق، كل شوية ألاقي على الكومودينو عندي 50 ورقة بحبك يا بابا. وبعدين أصبح لما يعملوا حاجات غلط الاعتذار يبقى ورقة. مامتهم معلماهم دا، لازم يبقى في ذكريات حلوة، ماليين البيت ذكريات."