سارة نوح: منى زكي وافقت على " أعز الولد" قبل اختيار الأبطال..وعمرو يوسف شرفنا أكثر من يوم

فى سينما وتلفزيون

الخميس , 18 مارس 2021 - 01:03

من المقرر أن تعرض منصة "شاهد VIP" الجمعة 19 مارس فيلم "أعز الولد"، من بطولة ميرفت أمين، ودلال عبد العزيز، وشيرين، وإنعام سالوسة، مع الفنانة رجاء الجداوي في ظهورها السينمائي الأخير قبل وفاتها.

وفي مقابلة مع برنامج MBCTrending، كشفت مخرجة الفيلم سارة نوح كواليس انضمام مجموعة كبيرة من النجوم كضيوف شرف في الفيلم، وقالت في تصريحاتها:

- عمرو يوسف
"قابلني في مكان عام وسألني أخبار الفيلم إيه، متحمس قوي ليه والفكرة عاجباني وعايز أدعمه بأي شكل، استغليت الفرصة وقلت أرجوك تشرفنا يوم واحد، والحقيقة كان كريم جدا وشرفنا أكثر من يوم."

- منى زكي
"كلمتها على الفيلم قبل ما يبقى معانا أبطال، محتاجينك كضيفة شرف، الحقيقة وافقت مش عارفة ليه لحد دلوقت وتحمست جدا. وجودها إدانا ثقة وطمنا إن معانا منى زكي، رغم إنها طالعة مشهد."

- محمود الليثي
"كنت عارفة الدور صغير عليه، ومن العشم كلمته والراجل ما تأخرش، وعامل دور ظريف جدا يا رب يعجبه."

- ريهام عبد الغفور
"كانت من سلسلة المفاجآت بالنسبة لي، لإني كنت كل ما أكلم حد أتفاجئ يوافق علطول."

- عمرو سلامة
"عذبناه كتير في الفيلم، وخليناه مايقصش ضوافره فترة طويلة."

- محمد شاهين
"الشخص الوحيد العاقل وسط العبث الّي بيحصل في الفيلم."

- إنجي المقدم
"دورها المفروض مش موجودة في مصر، وطول الوقت بنكلمها من خلال سكايب، عذبناها كتير في تغيير المواعيد، وكانت متحمسة بشكل مش طبيعي."

- تامر حبيب
"كان خارج مصر، كلمته وقلت له محتاجينك في الفيلم، ما تأخرش وعمل الدور وحط اللمسة اللذيذة."

- أمينة خليل
"تقريبا بلغت الإنتاج والكرو إنها معانا قبل ما أسألها من كتر ما أنا متأكدة مش حتقول لأ. عايزة أشكرها كان عندها سفريات ومواعيد كتير، ولغت كل دا علشان تعمل الدور."

- أروى جودة
"كانت أول مرة أتعامل معاها في الفيلم، كلمتها وعرفتها بنفسي والفيلم وقصته، وسألتها تحبي تشاركينا قالت أحب جدا."

- رجاء الجداوي
"لما كلمتها كان الوقت ضيق جدا، وكان عندها ملاحظات على الدور، وقلت للأسف لضيق الوقت ماأقدرش أعمل الحاجات الّي طالباها. تخيلت ممكن تزعل، والحقيقة اليومين الّي صورتهم معانا كانت من ألطف الناس الّي قابلتهم في حياتي."

وأضافت سارة نوح أنها فكرت في أغنية للفيلم تكون مناسبة لموضوع الجدات، واقترح جورج عزمي أغنية "سته بسبستله" لأحمد عدوية، وتم عمل توزيع جديد وتغيير في كلمات الأغنية بعد حضور أحمد عدوية مع أمير عيد.

فيلم "أعز الولد" من من تأليف شريف نجيب، وجورج عزمي، وإخراج سارة نوح، في تجربتها الإخراجية الأولى، وهو من إنتاج Lagoonie Film Production وThe Producers والطاهر ميديا برودكشن.