عارفة عبد الرسول: مش محتاجة "بوتكس" و"فيلر"..الناس بتحبني كده

فى سينما وتلفزيون

الأربعاء , 17 مارس 2021 - 20:03

كشفت الفنانة عارفة عبد الرسول سبب عدم لجوئها لعمليات "البوتكس" و"الفيلر" لإخفاء تجاعيد الوجه.

وخلال لقائها مع الإعلاميتين مفيدة شيحة، وسهير جودة في برنامج "الستات مايعرفوش يكدبوا" على قناة CBC، قالت عارفة عبد الرسول: "أنا مش محتاجة، الناس بتحبني وأنا كده. هي تجاعيدي وسني، وبعدين حنضحك على بعض. لما حد يقول لي إنت شباب يا أستاذة وحاجات كده، أقول له آه شباب القلب أنا موافقة، بس العدة بعافية."

وأضافت: "أنا حابة شكلي كده، وشفت الفنانات زميلاتي الأصغر أو في سني شكلهم إتغير خالص، وملامحهم مابقتش معبرة عن الحالة الّي بيعيشوها، تحس الوش بقى فيه جمود إلى حد كبير، خصوصا لو عاملين بوتكس أو تاتو حواجب. إزاي أبقى ست في حارة شعبية وسناني ما شاء الله وتاتو حواجب؟ هما حرّين طبعا مش بأعيب."