اسمع- أغنية شذى الجديدة "مقلوبة حياتي"

فى موسيقى وحفلات

الجمعة , 12 مارس 2021 - 01:03

محمد سلطان محمود

طرحت شركة كاسيت أغنية جديدة للفنانة شذى حملت عنوان "مقلوبة حياتي".

الأغنية من كلمات أحمد الجندي، ألحان مدين، توزيع عمر إسماعيل ورؤية فنية محمد حامد.

تقول كلمات الأغنية:

مايغركش ثباتي واذا كان شكلي يبانلك عادي فا انا مقلوبة حياتي,,
وبحاول مايبانش الضعف اللي بخبيه بسكاتي ..
اول مرة أعيش إحساس ان الماضي يعود والحاضر مايجيش
صعب عليا اصدق انك ناوي ماترجعليش

لو خلاص مكتوب لحبي معاك نهايته ..
انت عيشت في قلبي وانت هناك وفايته
مهما كان قلبك ظالمني وجاي عليا ..
عندي هتكون احلى حب اتعاش حكايته

وفي يوم من الأيام يمكن تعرف ان مشاعري ليك مكانتش كلام
وان الحب في قلبي عشانك عاش لسنين قدام هفضل بستناك
وهراهن على حب في قلبك كان عايش جواك
واكيد إحساس قلبي واصلك علشان مش بنساك

لو خلاص مكتوب لحبي معاك نهايته ..
انت عيشت في قلبي وانت هناك وفايته
مهما كان قلبك ظالمني وجاي عليا ..
عندي هتكون احلى حب اتعاش حكايته