طرح أغنية مي فاروق "آه يا طير"

فى موسيقى وحفلات

الخميس , 11 مارس 2021 - 20:03

محمد سلطان محمود

طرحت شركة لايف ستايلز ستوديوز، فيديو كليب أغنية "آه يا طير" للمطربة مي فاروق.

أغنية "آه يا طير" من كلمات محمد حسن معوض، ألحان سامر أبو طالب، توزيع عمر إسماعيل، والفيديو من إخراج بتول عرفة.

تقول كلمات الأغنية:

اه يا طير يا مسافر و مروح
بلّغ لحبيبى ياريت يرجع
قوله ان فراقه بعيد يوجع
مانا غيره ماليش

اه يا طير يا مسافر بامانه
قول لحبيبى ان انا قلقانه
و ف بعده بجد انا تعبانه
و مش عارفه اعيش

و امانه تقوله انا من غيره
عايشه لكنّى بموت مالتفكير
صورته مابتفارق احلامى
علشان ده ف قلبى مقامه كبير

و امانه يا طير بس تقوله
ان انا مانستهوش فى غيابه
و تقوله يا طير ان انا نفسى
يكون فاكر مانسيش احبابه

و يارب ف يوم يرجع ليا
دى الفرقه عن الغالى بتوجع
اه يا طير يا مسافر و مروح
بلّغ لحبيبى يا ريت يرجع

اه يا طير يا مسافر ده ف بعده
مانستهوش ولا حبيت بعده
قوله ان انا عايشه على وعده
ولا يوم هنساه

ولا هانسى فى يوم اللى كان مابيننا
ماقدرش ان انا عنه استغنى
قوله إن أنا صابره و هاستنى
ده رجوعه حياه