سميرة عبد العزيز: صححت كلمة لفاتن حمامة في "ضمير أبلة حكمت"..وكنت بأفصل هدومي زيها

فى سينما وتلفزيون

الخميس , 11 مارس 2021 - 00:18

قالت الفنانة سميرة عبد العزيز إنها بدأت حياتها مدرسة للمواد التجارية، ولهذا كان دورها في مسلسل "ضمير أبلة حكمت" يشبهها، وكانت تعرف حياة المدرسين جيدا.

وخلال استضافتها في برنامج "معكم منى الشاذلي" على قناة CBC، وعن لقائها بالفنانة فاتن حمامة في بداية المسلسل، قالت: "لمّا مدام إنعام [مخرجة المسلسل إنعام محمد علي] جابت المسلسل فرحت جدا لمقابلة فاتن حمامة، لأني من أشد المعجبين بيها طول عمري. وأنا صغيرة في الجامعة كنت أحضر كل أفلامها، وأفصل هدومي زيها. كنت سعيدة حأقابل النجمة الّي طول عمري معجبة بيها."

وأضافت: "في أول دقيقة تصوير، وهي بتقول خطبة المدرسة، قالت بأرحب بالبنات الجدَد، وأنا بتاعة العربي، جريت على مدام إنعام وقلت لها قولي لمدام فاتن تقول جدُد مش جدَد أحسن عيب، فقالت قولي لها إنت. كان كل واحد عامل لها حساب."

وأضافت: "قلت لمدام فاتن من فضل حضرتك، فقالت ما بلاش حضرتك إحنا بقينا زمايل، قلتها لأ عايزة أقول لحضرتك حاجة جدَد غلط في اللغة العربية، فقالت أرحب بالبنات الجدُد، صح يا سميرة؟"