أحمد حلاوة: عادل إمام عاد مشهدي في "عفاريت عدلي علام"..وقال "غلوشوتم عليه"

فى سينما وتلفزيون

الأربعاء , 3 مارس 2021 - 02:03

أوضح الفنان أحمد حلاوة أنه يفرق في التمثيل بين الارتجال داخل الشخصية والموقف، وبين الخروج عن النص، وهذا ما يعلمه للطلبة.

وخلال استضافته في برنامج "صاحبة السعادة"، الذي تقدمه الفنانة إسعاد يونس على قناة dmc، روى أحمد حلاوة موقفا من أحد أعماله مع الفنان عادل إمام قائلا: "وإحنا بنشتغل، لازم نقعد نقرا الأول علشان نسمع بعض ونلين الكلام، ومن عادتي ألعب زي العيال الصغيرة وأعيش الدور، وتطلع مني ارتجالات بس في الدور والموقف."

وأضاف: "في زميل مافيش داعي لذكر اسمه كان معانا، لقاني بارتجل وأستاذ عادل بيقول معايا، فارتجل هو كمان، فسأله الكلام ده موجود في النص، قال لأ، فقاله متقولوش."

واستعاد أحمد حلاوة موقفا آخر مع عادل إمام في مسلسل "عفاريت عدلي علام"، وقال: "كان مكتوب في السيناريو أغني لعمرو دياب، والميوزك بتاع عمرو دياب مش بتاعي. تخيلت الشخصية كان في يوم من الأيام مونولوجست، وغنيت حاجة تانية، كلهم والأستاذ عادل انبهر."

وأضاف: "خلصنا المشهد واتفرج عليه وروح البيت، شوية وتليفون، قال هنعيد المشهد، قلت باين عكيت وزودت. تاني يوم قال عارفين بأعيد له، عشان المشهد ده بتاع أحمد حلاوة وإنتم غلوشتم عليه."