سامح حسين: نفسي أجيب ميكروباص وأقلبه كرڤان

فى سينما وتلفزيون

الاثنين , 1 فبراير 2021 - 19:02

كشف الفنان سامح حسين، خلال مشاركته في تقديم حلقة اليوم من برنامج "راجل و 2 ستات" على قناة ON، عن حلم يأمل في تحقيقه.

وأوضح سامح حسين أن الحلم يتعلق بتحويل "ميكروباص" إلى "كرڤان"، بعد إزالة الكراسي الأصلية، وإضافة سرير وحمام صغير.

وقال سامح حسين: "ويكون فيه مطبخ بسيط، وفوق سطح الميكروباص أعمل خشب، وممكن ننام فوق، بالليل مع النجوم، ويبقى في بره كرسيين، حاجات رخيصة."

وكشف سامح حسين عن متابعته لحوالي 50 صفحة على "إنستجرام" تتكلم عن الكرڤان، وتعرض هذه الصفحات أفكارا مثل افتراش الأرض بالقرب من العربة، مع الوسائد وطاولة "طبلية" صغيرة.

وأضاف سامح حسين: "بس عايزة الكلب الصغير معانا في الصورة، ونعمل حلقة من راجل و 2 ستات بالكرڤان."

واقترحت الفنانة هيدي كرم على سامح حسين فكرة إضافة غطاء "تنده" من النوع القابل للفتح والغلق، يمكنه فتحه في حديقة أو ما شابه، والاستمتاع بوقته كما لو كان في شرفة "تراس".