ميمي جمال تعلن اعتزالها: باشتغل وعمري 9 سنين ومحتاجة أشوف نفسي شوية

فى سينما وتلفزيون

السبت , 30 يناير 2021 - 22:01 | اخر تحديث: الأحد , 31 يناير 2021 - 11:01

أكدت الفنانة الكبيرة ميمي جمال اعتزالها التمثيل، بعد مسيرة طويلة مع الفن بدأتها في سن التاسعة.

وخلال مداخلة هاتفية مع الإعلامية قصواء الخلالي في برنامج "المساء مع قصواء" على قناة
TeN TV، وردا على سؤال عمّا إذا كان خبر اعتزالها صحيحا، قالت ميمي جمال: "أيوه حقيقي، من ساعة المرحوم جوزي ما توفى، الحاج حسن مصطفى، بعدها قعدت سنة أو سنة نص تعبانة نفسيا، عشرة عمر، بقالنا أربعين، حاجة وأربعين سنة."

وشرحت ميمي جمال أنها تعرضت لهزة بعد وفاة الفنان الكبير الراحل حسن مصطفى، ولم تكن قادرة على المشاركة في أي أعمال تمثيلية، إلى أن عرض عليها دور الأم في فيلم الفنان أحمد حلمي "لف ودوران"، وعرفت أنه كان يريدها في الدور، فقدمت الدور وتوقفت بعد ذلك.

وأضافت ميمي جمال: "لقيت كفاية كده، أنا اشتغلت كتير، أنا باشتغل من وعندي 9 سنين، عملت كذا فيلم وعندي 9 سنين، أقوى من الحب، ومع كمال الشناوي، وزهرة العلا."

وتابعت: "الوقت ده كله وأنا باشتغل، خلفت ولادي وأنا باشتغل. والدتي الله يديها الصحة هي اللي قدرت تقف معايا في ولادي. دلوقت قلت كفاية، أشوف ولادي وأحفادي ونفسي شوية، وفعلا أنا اعتزلت خالص دلوقت."