هاني رمزي: اتعرضت لموقف غريب في الجونة

فى سينما وتلفزيون

الثلاثاء , 19 يناير 2021 - 03:01

روى الفنان هاني رمزي موقفا غريبا حدث له خلال حضوره فعاليات مهرجان الجونة السينمائي.

وخلال حواره مع الإعلامية مها الصغير في برنامج It's Showtime على قناة CBC، قال هاني رمزي: "اتعرضت لموقف عجيب جدا، طلعت على الريد كاربت في مهرجان الجونة، بصيت لقيت الجزمة رباطها مفكوك وما شوفتش حاجة، واتصورت عادي وأنا مبتسم. دخلت على السوشيال ميديا، لقيت الجزمة بقت حدث المهرجان، وتعليق هو الرباط المفكوك دي موضة، وتنمر مش عايز أقولك عامل إزاي. أنا طبعا معلقتش، والحاجات دي باخدها عادي جدا وفاني، لكن هو الفراغ للدرجة دي؟"

وفي تعليقه على رغبة أولاده في تواجده على السوشيال ميديا بقدر أكبر، قال: "لو جبت قميص جديد أقف أتصور، وأنا باكل، قابلت مها لازم صورة وأنزلها على السوشيال ميديا، ده إرهاق بشكل غير عادي، والناس ما بتسيبش الموبايل خالص، دي قدرات، وما عنديش القدرة دي."

وأضاف:" باحب أعلن عن أعمالي، عن حدث، أنا قليل في ده، وطبعا مش عاجب ولادي قوي، بس معلش سامحوني".