هاني رمزي: أخاف من الشيخوخة ومعظم الكوميديانات جالهم جلطات في المخ

فى سينما وتلفزيون

الثلاثاء , 19 يناير 2021 - 02:01

كشف الفنان هاني رمزي عن مخاوفه من الشيخوخة، وتفضيله حياة ممتدة لمئة عام تكون مستقرة على خمسين عاما فيها مغامرات وأكشن.

وخلال حواره مع الإعلامية مها الصغير في برنامج It's Showtime على قناة CBC، قال هاني رمزي عن الشيخوخة: "أكيد لإني حاتعب، وعلامات الشيخوخة هي بدء تدهور الأعضاء، لكن لو بصحتي مش حاخاف."

وعما إذا كان الكوميديان في حياته العادية يختلف عنه أمام الشاشة قال: "بداخل كل كوميديان تراجيديان عظيم جدا، والكوميديانات أكثر الناس حساسية، وأكثر ناس بتفكر...دايما يفكر إزاي يجيب الإفيه ويلقيه، وإسعاد الناس مش سهل".

وأضاف: "بالاحظ معظم الكوميديانات جالهم جلطات في المخ، يونس شلبي، وسيد زيان، وجورج سيدهم، ولطفي لبيب مؤخرا...يبدو إن التفكير والضغط والشد العصبي السبب."

وردا على سؤال عن تأثره بحالة العالم مع فيروس كورونا، قال هاني رمزي: "أصبت باندهاش، ممكن بجد نتعرض لحاجة زي كده والعالم كله يتشل في لحظة؟ حاجة لا تخطر على بالنا ولا خيالنا، ولا كنا نفكر فيها، في أحداث تؤكد إن ربنا فوق الكل، وده خلاني أقول لازم نسلم كل أمورنا لربنا."