أسمع- شمس الكويتية تغني مهرجان "كهربا"

فى موسيقى وحفلات

الأربعاء , 16 سبتمبر 2020 - 21:14

محمد سلطان محمود
طرحت المطربة الكويتية شمس أغنية جديدة عبر قناتها على YouTube حملت عنوان "كهربا"، وجاءت في شكل مهرجان شعبي باللهجة المصرية.

الأغنية من كلمات وألحان عصام شعبان، توزيع إسلام لوما، وشاركها غناء مقاطع الراب مصطفى وفقي.

تقول كلمات المهرجان:

انا مش قطه انا متدربه .. مبحبش شغل الشقلبه
وقت الجد انا متعبه .. لدغتي اصعب من العقربه
كهربا
انا قلبى قلبى مقفول .. والشوطه منى الجون
جدعنه موجود .. وفى وش اسود
انا عندى ردود ابطال ..
شغل التثبيت دا قديم ياعبيط .. دا انا اسمى يهز جبال
عفريتى لما كان فى يوم ظهر .. مات فى رعبه بخ فوق الشجر
برج الطور دماغي انشف من الحجر
فص ملح داب فارقنا وانتحر
انا بحرى بحرى موجه عالى .. وعلامه فارقه فى مجالى
من امتي القرش الابيض .. بيعوم فى البحر الاحمر
يبقى الاحسن والافيد تدخل مدرستى يا سكر
اللي حبه ربه حبب فيه العباد .. مش عافيه ولا بتيجي بالعناد
ورايا شعب يابنى من كل البلاد .. يلا خدلك دش وانضف من السواد
كهربا
مملكتى ارض النيل .. فرعونه بنت الاصيل
مصريه بنت الحضاره .. وعرشي خدته بجداره
خد تعال عندى وافهم الكلام .. ياللي فاكره اى رغى والسلام
خد دروس لو انت محتاج العلام .. تبقى فى السليم وكل شئ تمام