#الليلة_دي | رسالة حورية فرغلي للساخرين من "أنفها"#الليلة_دي | رسالة حورية فرغلي للساخرين من "أنفها"CBC Egyptللمزيدhttp://goo.gl/iGxoCD
Posted by CBC Egypt on Wednesday, January 27, 2016
قالت الممثلة حورية فرغلي إن أنفها أصبحت أشهر أنف في العالم بسبب حديث الصحافة والناس عنها وعن عمليات التجميل التي خضعت لها.
وأوضحت خلال استضافتها في برنامج "اللية دي" مع الفنانة أروى، كل ما حدث معها بداية من أول عملية أجرتها في أنفها نتيجة كسر تعرضت له.
وقالت حورية عن هذا الأمر: " قبل ما أمثل أنا كنت في منتخب مصر للفروسية والحصان وقع فوقي وكسر أنفي ومعملتهاش، أول فيلم عملته (كلمني شكرا) وخالد يوسف قالي (أنتِ أنفك فيها حاجة مكسورة وفي زواية، فكان لازم أعدل أنفي، فسألت على دكتور وسافرت النمسا وطلبت من الدكتور أنه يصلحلي الكسر".
وتابعت: "لكن الدكتور شال كل الغضاريف وعضمة الأنف وعملها بشكل معين فـ(باظت)، وروحت لدكتور تاني في إنجلترا، فقالي معندكيش عضمة أو حاجز أنفي، فأخد عضمة من الجمجمة وحطها بمسمار".
وأضافت: "قبل تصوير مسلسل (ساحرة الجنوب) كان في أنفي خراج واتشال بتدخل جراحي، ولأني صورت بسرعة واتعرضت لتراب بسبب أماكن التصوير حصلت عدوى، ومفيش دكتور في مصر رضي يتدخل ويشوف أنفي وكان لازم أسافر لإنجلترا تاني، وفعلا سافرت وشلت العضمة والمسمار، وعلشان كدا شكل أنفي كان غريبا".
وأكدت أنها ليست ضد عمليات التجميل، ولكنها حصلت على لقب "ملكة جمال مصر" بشكلها الطبيعي، وكانت ترى أنها جميلة ولا تحتاج لأي عمليات، وكل ما قامت به هو إصلاح ما أفسده الأطباء.
ووجهت حورية رسالة لكل شخص يتحدث عن أنفها وكل من يكتب أخبار خاطئة فقالت: "حسبي الله ونعم الوكيل، أنا اتعذبت ومستشفيات وعمليات وبقعد في المستشفى شهرين علشان أنا بعمل لكم مسلسل وبشتغل وأنا حرارتي ٤٠، وأنفي فيها صديد علشان أطلع لكم عمل تستمتعوا بيه، بعدين في الآخر تقولوا أنا بعمل عمليات تجميل وحياتي بمبي... حرام عليكم اتأكدوا قبل ما تكتبوا وحسوا بالفنان".