فيديو نادر- شادية تروي تفاصيل اتخاذها قرار الاعتزال وعلاقة الشيخ الشعراوي
منذ اعتزال الفنانة الراحلة شادية لم تظهر في أي حوار سوى واحد فقط روت فيه تفاصيل اتخاذها هذا القرار.كشفت شادية خلال الحوار الأسباب التي دفعتها للاعتزال وارتداء الحجاب، قائلةً: "أنا كنت عايزة أعتزل قبل مسرحية (ريا وسكينة)، وشغلي كان عبارة عن حاجتين حلوين إني بغني وبمثل، ملاقيش أغاني أعمل فيلم أغاني فيه، ملاقيش أفلام أعمل أغنية، حياتي كانت مليانة بعملي وشغلي الحقيقة، فجأة ابتديت مفيش حاجة تعجبني، وابتديت أكسل شوية، رواية تيجي مقرهاش على طول، أو أقرأها شوية وأسيبها، ففكرت أعتزل".أضافت: "الظروف جت، سبحانه وتعالى اللي بيعمل كل الظروف، حسين كمال قالي ما تعملي مسرح، ضحكت وقلت له ده أنا عايزة أعتزل مسرح إيه وبتاع إيه، قالي قدمي (ريا وسكينة) بس، وأنا بحب (ريا) أوي وكنت قابلتها في الأفلام، شخصية كانت تعجبني، قولتله طيب ابعت الرواية وأشوف، بعتلي الفصل الأول الحقيقة لما قرأته لقيت نفسي يعني نسيت كل حاجة وعايزة بس أعمل الرواية دي، وبالفعل اتفقنا إن أشتغلها 4 شهور بس ودخلت فيها والحمد لله ربنا نجحني فيها".تابعت: "ابتديت هنا بقى أحمد ربنا وأشكره، فادني في إيه المسرح؟ كنت برجع على البيت الساعة 3 ونص بالليل، وعلى ما أخد دُش أو أغسل وشي الفجر يبتدي، ابتديت أصلي الفجر، أنا مكنتش بصلي الفجر، من هنا بقى ابتدى المشوار اللي أنا فيه، شغلي مش هيديني وقت إن أنا أصلي وأقرأ قرآن وأقرأ في الدين، ابتديت من هنا أتراجع، كنت قاعدة مع ماما في الشقة بقيت أصحيها الفجر تصلي وأنا أجي أصلي وأقرأ قرآن وأعيط، وبقيت عايزة أحج، عايزة يا رب أحج، كان ممكن إني أحج بس أنا كنت رايحة أمريكا عشان أعمل عملية، فخلصت على طول المسرحية وقلت إن شاء الله أروح أعمل العملية وأرجع على العمرة على طول".استكملت: "بعدها لقيت على هيكل كلمني وقالي عايزينك تعملي أغنية دينية عن مولد النبي، لقيت ربنا يبعتلي الحاجات الحلوة دي، قولتله على طول يا ريت، وعمري ما حسيت بسعادة بأمان براحة زي ما غنيت في الحفلة دي".واصلت: "بعدها لقيتني عايزة أروح العمرة تاني، وحجيت، وبعدين لقيت نفسي وأنا مقررة إن أنا ماشتغلش في الأفلام ولا حاجة، إنما أغاني، وابتديت تجيلي أغاني، ولكن ابتدى يجيني قلق ماعرفش إيه القلق ده، قلق مش قادرة أحفظ، مفيش كلمة بتعجبني، مكنتش قادرة، وكل ما أحب حاجة وأقرب أسيبها، وبعدين كلمت أستاذ أحمد شفيق كامل قالي إنتي عايزة تتحجبي وده اللي لازم تعمليه إذا كان ده إحساسك".استطردت: "قفلت السكة معاه وتاني يوم كلمت الشيخ محمد الشعراوي فقلت له ممكن أقابل حضرتك، قالي تعالي، روحت قولتله: أنا بيني وبين نفسي كنت واعدة ربنا سبحانه وتعالى إن أنا أغني أغاني دينية، يعني عشان أشكر فيها ربنا إنه نجحني كل السنين دي وسترني وما مريت به في حياتي ولله الحمد، لكن أنا دلوقتي مش عايزة أغني، مش قادرة أغني ولا أي شيء، أنا عايزة أتحجب وأقعد، فهل ده حرام عشان أنا بس اديت وعد وأنا هتخلي عن الوعد ده فعادي أتخلى عنه؟ قالي: ده أحسن مليون مرة بس تصممي".اختتمت: "أنا كنت رايحة متحجبة للشيخ الشعراوي، قمت من عنده ونزلت السلالم كأني بنت عندها 16 سنة، والله العظيم 16 سنة بالظبط، بجري وبعدين العربية كانت بعيد ولكن بمشي وحاسة الدنيا دي حاجة تانية، أنا واحدة تانية وحاجة تانية خالص، عمري ما حسيت بالسعادة دي وأنا في العربية وراجعة البيت، بس ومن بعدها بقى النور ظهر في حياتي".
منذ ساعتين
موسيقى وحفلات
منافسة بين جميلة عوض ووالدتها في المعلومات العامة "طلعنا مثقفين شوية"
محمد سلطان محمودحلت الفنانة راندا عوض وابنتها الممثلة جميلة عوض ضيفتان على برنامج "معكم منى الشاذلي" عبر قناة CBC.كشفت راندا وجميلة عن العديد من الأمور الخاصة بعملهما في التمثيل، كما خاضا بعض الاختبارات الطريفة من بينها لعبة "مين أسرع" والتي أظهرا فيها معرفة كبيرة بالمعلومات العامة.شعرت راندا بالسعادة من قدرتها هي وجميلة على إجابة كل الأسئلة وقالت "إحنا طلعنا مثقفين شوية" وهو ما لم توافقها فيه ابنتها.
أمس
سينما وتلفزيون
جميلة عوض تغني مهرجان "أخواتي" في "معكم منى الشاذلي"
محمد سلطان محمودحلت الفنانة راندا عوض وابنتها الممثلة جميلة عوض ضيفتان على برنامج "معكم منى الشاذلي" عبر قناة CBC.كشفت راندا وجميلة عن العديد من الأمور الخاصة بعملهما في التمثيل، كما خاضا بعض الاختبارات الطريفة من بينها لعبة "أكمل كلمات الأغنية".غنت جميلة عوض مهرجان "إخواتي إخواتي"، كاشفة أن خالد أنور ساعدها على حفظ الكلمات أثناء تصوير حكاية "لازم اعيش".
أمس
سينما وتلفزيون
طريف- موهبة "الطفل المكير" أحمد فتحي
محمد سلطان محموديحرص عدد من المشاهير على مشاركة يومياتهم مع متابعيهم، ويصنع عدد منهم فيديوهات مسلية عبر منصات التواصل الاجتماعي.نشر الفنان أحمد فتحي فيديو طريف عبر حسابه على Instagram استخدم فيه فلتر لتحويل نفسه إلى طفلة صغيرة، وقدم أغنية "ذهب الليل".كتب فتحي معلقًا على الفيديو: "مواهب صغيرة مكيرة".
منذ يومين
سينما وتلفزيون
خالد جواد: شريف دسوقي أصبح مغرورا بعد مسلسل "بـ100 وش"
محمد سلطان محمودخصص خالد جواد فقرة من حلقة برنامج "المصحة" عبر قناة ON، لمنافشة أبرز الأخبار الفنية بشكل ساخر.تحدث جواد عن البوست الشهير للمخرجة كاملة أبو ذكري الذي اتهمت فيه بعض ممثلين مسلسل "بـ100 وش"، وقال خالد جواد إنه يعرف الممثل الذي قصدته المخرجة، مؤكدا أنه شريف دسوقي الشهير بشخصية "سباعي".
منذ يومين
سينما وتلفزيون
حكاية أول السطر- سلمى تعلن تخليها عن مسئولية الأطفال الثلاثة
محمد سلطان محمودتعرض قناة dmc حكاية "أول السطر" ثامن حكايات مسلسل "إلا أنا".تعود سلمى مع ابناء شقيقها إلى المنزل، وتفقد أعصابها بسبب تصرفات فريدة، التي غادرت المنزل دون معرفة أحد، ويدور بينهما شجار، ينتهي بإعلان سلمى تخليها عن مسئوليتها تجاه الأطفال الثلاثة، ودعوتها لفريدة لكي تفعل ما تشاء حتى لو قررت الانتقال للعيش بمفردها في الإسكندرية.تدخل سلمى إلى غرفتها في حالة غضب، وترفض الاستماع إلى حبيبة التي تناديها لكي تبقى معها، ويقف كريم مع حبيبة في حالة ذعر من الموقف.الجدير بالذكر أن حكاية "أول السطر" من مسلسل "إلا أنا" فكرة الكاتب يسري الفخراني، دراماتورج عبير سليمان، سيناريو وحوار ريم القماش ومحمد الدباح، إنتاج مشترك بين شركتي سينرجي وأروما، إخراج محمود كامل، ويشارك في البطولة درة، عمر الشناوي، صالح عبد النبي، نهال نور، ريم عبد القادر، زياد الشرقاوي، حسن مالك، محمد نبيل وسارة نجيب مع ظهور متميز من رامي وحيد وريهام نبيل.
منذ يومين
سينما وتلفزيون
خيط حرير- حازم يتهم سوزان بقتل يوسف
محمد سلطان محمودتعرض قناة ON حلقات مسلسل "خيط حرير" للفنانة مي عز الدين.يهرب حازم فور رؤيته لجثة يوسف، ويصطدم بعامل توصيل أحد المطاعم أثناء خروجه، ويعود مسرعا إلى المنزل لمواجهة زوجته سوزان.يتهم حازم زوجته بقتل يوسف، فيما تدافع عنها والدته وتؤكد أن سوزان ذهبت في جولة بسيارتها بسبب شعورها بالملل، وتحاول معرفة لو كان حازم متورطا في جريمة القتل أو أن يكون شاهده أي شخص آخر، لكنه يؤكد لها أنه لا يتذكر مقابلة أحد من عدمه.يذكر أن مسلسل "خيط حرير" من تأليف محمد سليمان عبد المالك، إنتاج سينرجي - تامر مرسي، إخراج إبراهيم فخر الدين، ويشارك في البطولة كلا من؛ مي عز الدين، محمود عبد المغني، أحمد خليل، سوسن بدر، نيكولا معوض، محمد علي رزق، صفاء الطوخي، ولاء الشريف، مي سليم، هنادي مهنا، محمد سليمان، حنان سليمان، أحمد صيام، محمد الصاوي ويوسف عثمان.
منذ يومين
سينما وتلفزيون
اسمع- أغنية ويجز الجديدة "هصلا"
محمد سلطان محمودطرح مغني الراب "ويجز" أغنية جديدة بعنوان "هصلا"، وهي من كلماته وإنتاج موسيقي لـ "راشد ميوزك".تقول كلمات أغنية ويجز الجديدة :ف النزل نخلص مين عداني ومتوترشمتكترش نقلوا منك ومنقدرش تستغرب ليه بتشب ومبتوصلش حكاويكوا الفسدان تمغص بطني انتوا مين اصلاً ويجو ريل هصلا اشتغلت لحد ما قالولي اتغير اصلكالفلوس تجنن الكفوف بتعبي للوشوش قولي منين تصفي قلوبكوا مرجوفة من الحسد تصدأ نصدقكواا ف قالتكوا لون الرجولة اسمرمنحلش العقدة تحس شئ ناقصكمفيش بعد النقطةعيشتكم يا حسرةعلمنا عليكوا وعلمناكوا اما تفتح معايا تقول ارنب مفهمش الباكواتفاديناكوا وانتوا مصميين ..... اعرف ف جيبوا كام واجيبوا شباكواالجدع يتزف الطيبين ماتوا الباقي بيتلف ليكوا والي جاعوا خمسة كف ف وشك عشرة ع اللي باعوا العشرة ولي خانوا الخنافس مش بيتدانوفيرساتي مأصلين العيال دي مفلسين محدثين بقالي سنين بلعب لوحدي فمتجيش تقولي سين اللي بنلمحه بنمرجحه فمتجيش لماندقوا علي الروس تعملي فيها البرئطب كان فين الغل مني لما كنا قريبينلما يحاول يقل مني يمشي مخصم سفاحين ولو معملتش معاه الواجب تمشي مكسح متمشيشمتسبنيش هنسلسلك ونربيك عرفنا انك قلة بتتسند ع الشلةف عركته الشخصية يا مدارسوا الدولية كبرتوا ع التوتو كبرت ف دولاب فودو حظي يا جيهة الله لا يعودوا الله يقسم قوتوا محقدشي لا سمح الله انا بشرح للبقفكلنا ولاد تسعة بس احنا اللي بلا سقف ملقتش الحماية ومكبرتش شكايننتصر بالعمل ع الفقر ومش حكاية Top line حكايةمش حكاية ماتور قليل رباية بحس ان كبيركم مسنديتبعها اصغركم تكايةكان مرة في رجولة النكتة بتضحككان مرة في طريشة فاكرة الجبل ده بتاعها
منذ يومين
موسيقى وحفلات
احدث الفيديوهات المزيد
لقاء نادر لشادية مع سلمى الشماع في كواليس "ريا وسكينة"
منذ ساعتين
فيديو نادر- شادية تروي تفاصيل اتخاذها قرار الاعتزال وعلاقة الشيخ الشعراوي
منذ ساعتين
منافسة بين جميلة عوض ووالدتها في المعلومات العامة "طلعنا مثقفين شوية"
أمس
جميلة عوض تغني مهرجان "أخواتي" في "معكم منى الشاذلي"
أمس
