حققت أغنية يسرا وأبو "3 دقات" انتشار كبير بعد إذاعتها فقط داخل الجونة طوال أيام فعاليات الدورة الأولى من مهرجن "الجونة السينمائي".
أغنية "3 دقات" من كلمات تامر حبيب وألحان أبو وتوزيع الموزع الموسيقي رامي سمير.
والأغنية رومانسية تتحدث عن الحب، ولقاء الأحباء على شاطئ البحر وسط أجواء الصيف، وتم كتابة الأغنية في مدينة الجونة، في جلسة عمل خلال الرحلة التي جمعت الكاتب والسيناريست تامر حبيب والفنان أبو في مدينة الجونة.
ويقدم موقع FilFan.com لقراءه كلمات أغنية "3دقات" :
وقت غروب الشمس واقف على البحر بعيد
عمال أحكيله وأشكيله وأشرح وأعيد
فجأة لاقيتها وكنت فاكرها عروسة البحر
خارجة من المايه وطلتها أقوى من السحر
لما شوفتها قلبي دق 3 دقات
والطبلة دخلت لعبت جوا دماغي حاجات
لما الرق دخل قلبي رق وحنيت
طب هعمل إية روحت أنا غنيت
أمتى الحب طال قلبي ولا في الخيال
عودك ده فيه يتقال موال
ويا عيني يا سيدي على الأيام
لما تهادي قلوبنا غرام فجأة يهون كل اللي فات
ولاقيت جوايا خناقة كبيرة قامت على طول
عقلي يعقلني وقلبي يقولي روحلها قول
مخدتش ثواني وكان قلبي طالع كسبان
روحت وقولتلها إن أنا ولهان
وتمر شهور وسنين على يومها ومش ناسين
أنا شوفتك أمتى يا حب العمر وشوفتك فين
وبنيجي سوا نحكي حكايتنا هنا للبحر
عن قصة حب أقوى من السحر
أمتى الحب طال قلبي ولا في الخيال
عشقك ده فيه يتقال موال
ويا عيني يا سيدي على الأيام
لما تهادي قلوبنا غرام فجأة يهون كل اللي فات
اقرأ أيضاً
يسرا تعود للغناء في مهرجان الجونة السينمائي مع هذا المطرب الشاب