ردت الممثلة هيدي كرم على النصيحة التي استقبلتها من إحدى العلامات العالمية للملابس، وهي بضرورة اختيارها لمصممي الأزياء التي تقتني ملابسها منهم للحفاظ على صورتها.
وشاركت هيدي عبر حسابها على Instagram صورة مجمّعة لها وهى ترتدي تصاميم مختلفة من الأزياء، وعقّبت عليها: "جالى تعليق من أحد البراندز الكبيره الانترناشيونال بيقول ايه التعليق ده .... بيقول اني لازم انتقي الديزاينرز اللي بلبس من عندهم علشان الايمدج بتاعتي ..علشان انا لازم البس حاجات من ديزاينرز انترناشيونال أو على الاقل معروفين شويه".
وتابعت: "عايز أقول إن أي ديزاينر مصري موهوب و عنده حاجه جديده و مختلفه انا هالبسها سواء كان معروف أو مغمور أو حتى أول مره يشتغل ...لازم كلنا نساعد بعض و نساعد الناس الموهوبه اللي عايزه تعمل حاجه بجد".
وأضافت: "و الأهم لازم كلنا نشجع منتجات بلدنا خصوصا لما تكون كويسه ... ما حدش قال إن البراندز مش حلوه ..لا طبعا كلنا عارفين ان الغالي ثمنه فيه ...بس كمان احنا عندنا ناس شطره و بتعمل حاجات مختلفه لازم نشجعها".
على الجانب الآخر، يُعرض لهيدي كرم حاليا مسلسلي "اختيار إجباري" على قناة dmc، والجزء الرابع من "هبة رجل الغراب" على قناة cbc، كما أنها مستمرة في تقديم برنامج "نفسنة"، والمذاع على قناة "القاهرة والناس".
إقرأ أيضا
بالفيديو- هيدي كرم تتحدث عن خلافات برنامج "نفسنة"