كشف الشاعر الغنائي تامر حسين عن تفاصيل أزمته مع المخرج شريف صبري بسبب تتر سيت كوم "فيس بوك".

وشرح تامر الأمر من وجهة نظره عبر صفحته الرسمية بموقع Facebook، كاتبا: "واقعة غريبة من نوعها بالنسبة لي من مخرج إعلانات وكليبات ومؤخرا مسلسلات، عرفني عليه أحد أصدقائي أنا والملحن أحمد حسين نعمله أغنية للست كوم بتاعه للفنان محمد منير، وركنها سنة ونصف، بعد ما خلصناها على أكمل وجه، مفكرش يعتذرلنا أدبيا على مجهودنا اللى عملناه دون أي مقابل احتراما وتقديرا للفنان محمد منير، واختفى فجأة ظهر بأنه بيبعيها لشركة محمول كبيرة لحملة دعاية دون علمي أو تنازل مني أو من الملحن".

وتابع: "الطريف والغريب أنه بيدعي أنه مألف معايا بعد ما كان مخرج أضاف لنفسه مهنة مؤلف وعايزنا نعمل تنازل مع بعض للشركة، وبيهددني بعلاقاته بفلان وفلان وفلانة وكل يوم ينزل بوست في كلامي اللي من تأليفي قال يعني بيسبق، عايز أقول له تاني وتالت عيب احترم سنك وتاريخ الناس اللي اشتغلت معاهم وكبروا اسمك وبلاش تجيب لنفسك الفضايح ومشاكل انت في غنا عنها الطمع والجشع مش للدرجة ولما انت موهوب فى التأليف جبتنى ليه اكتبهالك".

وعاد بعدها ليؤكد أن المصنفات الفنية نصفته على صبري، دون الدخول في تفاصيل، وكتب:"شكراً ل ادارة المصنفات الفنية المحترمة وكٌل القائمين عليها من أصدقائنا المحترمين لمواقفهم المٌحترمة وكل الأصدقاء والصحفيين والاعلامين المحترمين وأصدقاء جامعتى وأصدقاءى بنقابة المحامين شكراً ل اهتمامكم ❤️شكراً لكل أصحابى اللى ف ضهرى دايما".

ومن جانبه، لم يعلق شريف صبري على الأمر.