انتقد السيناريست تامر حبيب عبر صفحته الرسمية على موقع التواصل الاجتماعى Facebook ذبح الأضاحى أمام الأطفال في عيد الأضحى مشيرا إلى أن أعمارهم ما زالت صغيرة على استيعاب فكرة وهدف الأضحية.
وعلق تامر حبيب كاتباً:"يبقي الأب من دول عنده طفل او اكتر في عمر الزهور، مليانين براءة و أمل في بكرة، يجيبلهم خروف يقعد معاهم كام يوم في البيت، يأكلوه و يشربوه و يلعبوا معاه و يرتبطوا بيه، كام يوم و يلاقوا بابا حبيبهم رمز الأمان بيصحيهم من احلي نومة، و اذا بهم و هم مازالوا يقاوموا آثار النوم و بيحاولوا يستوعبوا اللي بيجرا حواليهم يتفاجئوا بالخروف صاحبهم الجديد، و راجل شبه ابو لهب حاطط سكينته علي رقبته و بيسمي بالرحمن الرحيم و يذبحه، و يذعر الطفل و هو يشهد علي صديقه الجديد و هو بيطلع في الروح، و بابا حبيبي بيضحك و يقوله بتعيط ليه يا عبيط، و بعدها بشوية، بابا يقعده جنبه علي السفرة علشان يأكل لحم صاحبه اللي اتدبح قدّامه من شوية، والعيد فرحة، هيه هيه هيييييه"
جدير بالذكر أن أخر أعمال السيناريست تامر حبيب هو مسلسل "جراند أوتيل" والذي شارك به فى رمضان 2016، ولاقى إشادة ونجاح جماهيري كبير، وكان من بطولة عمرو يوسف، أمينة خليل، أنوشكا، دينا الشربيني، سوسن بدر، محمد ممدوح، أحمد داوود، ندى موسى.
اقرأ أيضاً
تامر حبيب يشيد بـ"اشتباك": صعب التنفيذ وجعلني أشعر بطعم المرار
تامر حبيب يكشف حقيقة عمل جزء ثاني من "جراند أوتيل"
هذه أحب شخصية إلي قلب تامر حبيب في "جراند أوتيل"