علق الفنان محمد عطية على فوز نادي الزمالك في بطولة دوري أبطال أفريقيا ووصولة إلى نصف النهائي.
وعلى عكس أغلب الفنانين سواء كانوا يشجعون فريق الزمالك أو فريق الأهلي أو حتى أي فريق أخر، لم يبارك عطية لجمهور ومحبي النادي الأبيض، بل وجه لهم رسالة شديدة اللهجة أثارت غضب الكثير منهم.
وكتب عطية عبر حسابه في موقع التواصل الإجتماعي Facebook، ليرد على بعض من جمهور الزمالك الذين تحدثوا وسخروا من خروج الأهلي من البطولة، وعلى النتائج السيئة للفريق في الفترة الماضية، فكتب:
"أنا ماكنتش عاوز أتكلم .. بس لاحظت إن كل الزمالكاوية اللي عندي علي التايم لاين مركزين مع الأهلي حتي و هما كسبانين .. معلش أنا مقدر شعورك كزملكاوي و إنت الإنجاز بالنسبالك الصعود لنصف النهائي وعارف إنك محدث فوز وده شعور جديد بالنسبالك .. و شايف كمان إفيهاتك اللطيفة اللي من عينة الأهلي قادم .. علي أساسا إنك كرييتف وكده .. فاهم كمان إنك بتحاول تقنع نفسك إنك منافس للأهلي و كده".
وتابع: "عاوز أشرحلك بس كلمة منافس دي .. منافس يعني لو أنا في سباق معاك أخاف أقع خطوة واحدة أو نص خطوة فتحصلني أو تسبقني .. الأهلي يا حبيبي لو الصبح كده قفل النادي و بطل كورة ١٥ سنة و إنت كسبت كل حاجة .. برضة مش هتحصل بطولاته و لا هتبقي قده .. فيا ريت تركز شوية مع الإسماعيلي .. الإتحاد ... المصري ... دول المنافسين بتوعك يا حبيبي ".
وفاز نادي الزمالك على فريق أنيمبا النيجيري في المبارة التي أقيمت أمس الأثنين، 15 أغسطس الجاري، على ملعب بتروسبورت بالقاهرة، وذلك ضمن منافسات الجولة الأخيرة من المجموعة الثانية من مسابقة دوري أبطال إفريقيا ليصعد رسميا الي الدور قبل النهائي بالبطولة.
طالع أيضا:
بالصور- محمد عطية يفاجئ متابعيه بعضلاته المفتولة
بعد فوز الزمالك بكأس مصر.. محمد رمضان: مبروك شيكابالا الدسوقي وكلنا واحد
الأهلاوية آيتن عامر تهنئ الزمالك بكأس مصر