محمد رمضان يشكر أحمد حلمي ويتمنى له التوفيق

محمد عاشور

محمد عاشور تاريخ النشر: الاثنين، 25 يوليو، 2016 | آخر تحديث:

محمد رمضان وأحمد حلمي

الساعات الأخيرة شهدت بعض التوتر مما استلزم الرد من قبل كل من الفنانين أحمد حلمي ومحمد رمضان، لتوضيع حقيقة مشاعرهما لبعضهم البعض.

ومؤخرا وجهه الفنان محمد رمضان الشكر لزميله الفنان أحمد حلمي عبر حسابه الشخصي على Facebook، بعد أن وضح أحمد حلمي حقيقه الصورة التي نشرها لنفسه واعتقد البعض انه يقصد بها الفنان محمد رمضان.

وكتب محمد رمضان عبر حسابه: "صباح الخير.. شكرا للتوضيح وتمنياتي لك بالنجاح الفني والعائلي زميلي العزيز أحمد حلمي".

وجاء تعليق محمد رمضان بعد التوضيح الذي كتبه أحمد حلمي عبر صفحته على موقع التواصل الاجتماعي Facebook، والذي انتقد فيه من يحاولون تفسير صورته ضد محمد رمضان.

وكتب حلمي: "اعزائي الكرام.. توضيح بسيط وسريع بخصوص ما حدث بعد نشر الصوره بتاعتي وأنا راكب العربية الميني القديمة اللي كانت معايا في فيلم (ظرف طارق)، واللي الناس فهمت أنها بغرض أني بوجهه رساله لزميلي الفنان (محمد رمضان) وهذا ما أحزني كثيرا".
وتابع: "يا جماعه أنا لو عايز أوجهه رسالة لأي حد اعرفه كويس أو حتى معرفوش مش هاعمل كده على مواقع التواصل الاجتماعي، لأني عمري ما عملت كده أبدا لأني ببساطه ممكن ابعتله رساله علي موبيله أو هاكلمه في التليفون".

"اما الكلام اللي كان مكتوب تحت الصوره اللي كتير من الناس معرفش ازااااااااي بجد فسروه بالطريقه دي مع أنه فعلا مايخصش حد خالص غير واحد صاحبي هو الوحيد اللي هايفهمه لأني قايله بسبب موقف طريف حصل معانا وليه علاقه بالعربية الميني، علشان كده نهيت الكلام المكتوب بـ " ده كلام في سرك ..... ششش".

واختتم الرسالة: "زميلي العزيز محمد رمضان ... ربنا معاك ويوفقك دايما وتحقق كل اللي نفسك فيه في حياتك الفنيه".