"الحمد لله.. اشتريت أمس السيارتين الأقرب إلى قلبي لامبورجيني أفنتادور & رولز رويس جوست "، بهذه الكلمات فاجأ محمد رمضان جمهوره بإعلانه شراء سيارتين باهظتين تسببتا له فيما بعد في الكثير من الانتقادات.

طالع .. صورة- محمد رمضان يشتري سيارتين "لامبورجيني" و"رولز رويس"

ومع الجدل الذي أثاره رمضان ما بين مؤيد ومعارض لنشره صور سيارتين بملايين الجنيهات، خرجت بعض الروايات من بعض الشخصيات التي قابلت محمد رمضان قبل شهرته لتؤكد أنه دائما كان يحلم بشراء سيارة لامبورجيني، ليحقق حلمه في النهاية.

"حلم محمد رمضان استطاع تحقيقه، وهو ما يعطي ضمنيا نصيحة للجمهور بأن يواصلوا محاولة تحقيق أحلامهم"، وهو ما يؤكده مدرب التنمية البشرية محمد زكريا وهو يروى قصة حلم محمد رمضان بشراء سيارة لامبورجيني.

وكتب عبر صفحته بموقع Facebook: "عرفت محمد رمضان واستضفته معايا في محاضراتي واتكرمنا سوا من جامعة عين شمس وكنا هنعمل برنامج تنموي هادف.. وقتها كنا بنقعد على كافتيريا في وسط البلد اسمها أخر ساعة وكان بيطلب كل مرة شوربة عدس، وحكى لي قصص كتيرة عنه الأهم أنه لما احد المنتجين المجهولين اتريق عليه وطرده من مكتبه.. حلف ليكون رقم واحد في مصر من حيث الشهرة والأجر، وقتها كان معاه عربية لانسر، وكان بيحلم بعربية (جيب) أو أعلى .. دلوقتي رمضان معاه عربيتين بقيمه ٨٠٠ ألف دولار يعنى حوالي ١٠ مليون مصري وبقى الأكثر شهره وأجرا".

وأضاف زكريا: "لكن رغم شهرة رمضان وتأثيره في فئة من الناس إلا أن ضرره أكتر من نفعه، رمضان حقق حلمه ومقتنع انه بيعبر عن الناس، أنت كمان حقق حلمك مهما كان كبير هتوصله، بس خليك أحسن من رمضان في رسالتك، وخليك زيه في إصراره، عايز أقولك حاجة واحدة، أحلم وماتخليش لحلمك حدود".

الأمر نفسه أكدت عليه دينا إكرام التي كتبت عبر صفحتها بموقع Facebook: "بمناسبة محمد رمضان والعربيات بتعته... من 7سنين تقريبا كنت بشتري كتب من مكتبة في محمد محمود تقريبا كان اسمها مكتبة البلد.. كان في واحد بتاع تنمية بشرية اسمه محمد زكريا كان مسمي نفسه وقتها رائد قانون الجذب، المهم زكريا كان جايب محمد رمضان بصفة نموذج لقانون الجذب ..أنا كان بالنسبة ليه وقتها رمضان الممثل اللي بيقلد أحمد زكي ... بس قولت أعد اتفرج ماكنش رمضان مشهور قوي كده المهم... زكريا أعد يتكلم عن كتاب (the secret ) .. وتطبيقه في حياتنا ومحمد رمضان أعد يتكلم اد إيه الكتاب ده اثر في وأنه كل اللي بيعوزه بيعمله وبيحققه وهو عايز يكون رقم 1 ويفضل رقم واحد وأنه من كتر ما بيقول لنفسه أنه رقم واحد بقى خلاص مقتنع بده.. واتكلم عن أحلامه من ضمنها عربية لامبورجيني ... وأنا فاكرة وقتها قعدت اضحك وكان جنبي بنت قعدت تقولي هو ماله مغرور كده ليه وايه رقم 1 ده مش لزم الناس تبص لإمكانياتها قبل ما تحلم.. المهم :) تلف الأيام ومحمد رمضان يحقق حلمة وإحنا نفضل برضو نتكلم ونتكلم :) الخلاصة احلموا وحققوا أحلامكم حتى لو كانت مستفزة وغير منطقية للي حوليكم.

طالع أيضا
محمد رمضان يرد على كارهيه بالاستعانة بكريستيانو رونالدو و"الصخرة"
متجاهلا الهجوم عليه لشراء "لامبورجيني" و"رولز رويس".. محمد رمضان يتوجه بالشكر لأحلام
بالصور - على طريقة محمد رمضان .. عمر مصطفى يحقق أمنية ابنه
بالصور- نجوم استفزوا جمهورهم بسياراتهم الفارهة..محمد رمضان ليس الوحيد
صورة- بريتني سبيرز تكشف عن سيارة أحلامها.. هل قصدت الرد على محمد رمضان؟
بعد الهجوم على محمد رمضان.. عمرو مصطفى موجها رسالة: "كل واحد يداري على حياته الشخصية"
تعرف على سعر سيارتي محمد رمضان الـ "لامبورجيني و"رولز رويس"
صورة- هل يسخر محمد هنيدي من سيارتي محمد رمضان؟
بعد سيارات محمد رمضان الفارهة.. الجمهور يفسر رسالة أحمد حلمي: قصف جبهة للأسطورة