أكدت ميريهان حسين عبر حسابها الرسمي على موقع الصور الشهير Instagram، أن شخصية المذيعة التي تجسدها في مسلسل "الخانكة" بعيدة كل البعد عن الإعلامية ريهام السعيد كما أعتقد البعض أنها تقوم بتقليدها.

وكتبت ميريهان: "يمكن عشان السنة دى في رمضان أنا بعمل دورين شبه بعض، مذيعة عندها برنامج مهم و بتصور ريبورتاجات و بتعرض قضايا، تقريبا بعمل نفس الدور في مسلسلين السنة دى الخانكة والمغني وده السبب اللي خلاني لازم افرق في تقديمي للشخصيتين من حيث الشكل وطريقة الكلام والأداء بشكل عام لأن الشخصيتين تقريبا متشابهتين في الأحداث، الصورة اللى على اليمين دى نور في مسلسل الخانكة ذات الصوت الهادئ والنظرات الثابتة والثقة بالنفس، والصورة اللى على الشمال دى جيهان الوكيل في مسلسل المغنى ذات الإيقاع السريع و الاندفاع و التردد في التصرفات، أنا كان لازم أخلق فروق زى دى بين الشخصيتين وده ممكن يكون سبب جعل البعض يتصور إنى بقلد الإعلامية ريهام سعيد مع إن الشخصية مختلفة تماما عن شخصية ريهام اللى بكن لها كل تقدير و احترام".

شاهد حلقات مسلسلات رمضان على شاشة في الفن
اعرف مواعيد عرض مسلسلات رمضان وقنوات عرضها

اقرأ أيضاً
ميريهان حسين توضح حقيقة تجسيدها لشخصية ريهام سعيد