لم يستطع النجم الكوميدي سمير غانم استكمال حواره مع الصحفي ومقدم البرامج وائل الإبراشي بعد سماعه لخبر الحادث الإرهابي الذي وقع في العريش مساء الأربعاء ٢٠ يناير الجاري.
وحل النجم سمير غانم ضيفا على برنامج "العاشرة مساءً" والمذاع على شاشة "دريم"، وبعد سماعة لخبر استشهاد بعض من الظباط والجنود في حادث العريش الإرهابي، قرر الاعتذار عن عدم استكمال الحلقة.
وقال سمير غانم موجها كلامه لوائل الإبراشي: "بعزيك في الشهداء اللي راحوا أنا جاي وكلي حماس لأن بقالي كتير مقابلتش حضرتك، أنا صدمت ومش عارف أقول ايه من الصدمة، غير ان ربنا هيجعل مثواهم الجنة إن شاء الله".
وتابع حديثه قائلا: "الإرهاب لن يستطيع القضاء على البهجة، إحنا في عز المصايب بنبتسم ونضحك، لكن الحادثة لسه حاصلة دلوقتي، فاعتذر وإن شاء الله نعوضها، وأرسل تحية من قلبي لظباط الجيش والشرطة والشهداء اللي مموتين نفسهم علشان إحنا نعيش وننبسط، وعلشان مصر تفضل زي ما هي، وحسبي الله ونعم الوكيل.. ربنا يرحمهم وبرضه مصر هتفضل واقفة على رجلها ومحدش هيقدر يهزها".
وبرر سمير غانم اعتذاره عن الحلقة بقوله إنه لكي يستطيع إضحاك الناس لابد أن يكون مرتاح البال خصوصا وأنه ممثل ارتجال فيجب عليه أن يكون سعيد حتي يستطيع إسعاد الناس، وروى النجم الشهير موقف حدث معه في الماضي عند عرض إحدى مسرحياته: "من زمان كان عندي مسرح ورايح المسرحية، وجمهور المسرح مبيفكرش أنت زعلان ومتضايق في كارثة حصلت لك، وكان وقتها أخويا اتوفى الله يرحمه، وأصر المخرج حسن عبد السلام إني أروح واشتغل علشان المسرح كامل العدد، وفكرت ان دا ممكن ينسيني، لكن اعتذرت ومقدرتش، وحصل هذا الموقف معي مرتين.. مرة مع وفاة أخويا ومرة مع وفاة والدتي".
وأتم: "كنت دايما أروح المسرح أشوف أي حاجة تخليني مبتسم لأن لو رايح فرحان الناس كلها هتفرح معايا، لكن لو رايح متضايق وأنا ممثل إرتجال فلازم عقلي يكون رايق، فالحادثة والصورة اللي شفتها متتصورش عملت معايا إيه؟".
وأكد الفنان سمير غانم أنه وأسرته يتأثرون كثيرا بكل ما يحدث من حوادث إرهابية وخاصة زوجته الفنانة دلال عبد العزيز فقال:" الأولاد ودلال في البيت أكيد متأثرين، ويمكن دلال بتبكي ولو طالت تروح تعزي في بيت كل شهيد هتعمل كده".
شاهد- انسحاب سمير غانم على الهواء من برنامج "العاشرة مساءً"