على الرغم من أنها وعدت جمهورها في السابق بأنها لن تذكره في المستقبل، إلا أن النجمة زينة اضطرت لفتح النار على الفنان أحمد عز من جديد، بسبب تصريحات أدلى بها الأخير عنها، وتسببت في غضبها بشدة.

وكتبت زينة عبر حسابها على Instagram: "أنا آسفة لجمهوري الغالي اللي وعدته إني مش هاذكر المدعو ده تاني، بس كمان أنا مش هاسكت لأي كلمه تتقال كدب زي ما وعدتكوا، ودي رساله مني ردا علي البيان المسمي بحوارت صحفية للمدعو أحمد عز أحب أقوله (مش لأن فيلمك فشل والناس مش طايقه تشوفك) لأنك ببساطة تصرفاتك لا تمت للرجولة بصلة.

وتابعت: "أحب أقولك استرجل وبطّل تجيب اسمي واعرف إن في حكم محكمة وتحترمه غصب عنك لأنه حكم رجع لولادك حقهم، وبكره يكبروا ويعرفوا إنك حتي ماتستهلش تكون بني آدم".

وأردفت: "لمّ نفسك وكفاية رخص وابعد عننا بكدبك الرخيص، وبدل ما تروح نشتكي وتعيط في كل مكان وتعمل شكاوي وتشغل ناس بكدبك احترم حكم المحكمة، أو هات دراعك ناخد منه شوية دم نعمل التحليل دي إن إيه dna، ده لو عندك دم أصلا".

واختتمت زينة رسالتها لأحمد عز قائلة: "ولاد عز مش هما سبب فشل فيلم "ولاد رزق"، والمرة الجاية لو فتحت بقك علينا تاني عليا أنا وولادك انتظر المفاجأة في الوقت المناسب كالعادة، وأخيرا وأنا عارفة إنه صعب أحمد عز حاول تكون محترم وأخيرا الحمد لله ربنا ظهر الحق وجاب لنا حقنا ابعد عننا بقى وحسبي الله ونعم الوكيل".

ويأتي هجوم زينة الأخير على أحمد عز، بسبب التصريحات التي أدلى بها لصحيفة "الوطن"، وأقسم فيها بأنه يتزوجها كما هي تدّعي. (رغم إثبات المحكمة أبوته لتوأم زينة.. عز: أقسم بالله لم أتزوج زينة)

وكانت محكمة الأسرة قررت يوم الخميس 25 يونيو الماضي قبول دعوى زينة بإثبات نسب توأمها للفنان أحمد عز. (محكمة الأسرة: رسميًا أحمد عز هو والد توأم زينة.. وأول رد فعل للأخيرة عقب الحكم)