سخر الفنان أحمد حلمي من تصريحه المفبرك لإحدى الصحف العربية، حول رغبته في تجسيد كلب في عمله الفني المقبل.
وأشار "حلمي" عبر صفحته الرسمية على Facebook أنه علم بأمر حواره المزعوم من خلال صديق له، والذي أعرب عن اندهاشه من تصريحاته التي أدلى لها في هذا اللقاء.
وقال لجمهوره: "جالي ماسيج من صديق مكتوب فيها "بص كده علي اللينك ده .. كلامك غريب جدا" مفهمتش الماسيج بصراحة.. بس دوست علي اللينك ففتحت صفحه لجرنال عربي معروف .. لقيت صورتي وتحتها حوار طويل وسين وجيم .. المفروض إن ده حوار أنا عملته مع صحفي في الجريده دي.. بس إزاي!! .. ده أنا بقالي سنين معملتش أي حورات صحفيه .. إلا إذا كنت بتكلم وأنا نايم بقى..".
وتابع: "لما قريت الحوار فهمت الماسيج بتاعت صديقي الصحفي.. إن كلامي غريب.. ده مش بس غريب.. ده كمان مريب.. فرديت علي الماسيج بتاعت صديقي وقولتله " تصدق فعلا كلامي غريب جدا .. عارف ليه .. لان مش انا اللي قايله .. ده كلام مضروب".
وأنهى أحمد حلمي تصريحه: "حبيت بس أقول إن أنا معملتش أي حوارات صحفيه خالص.. وأي حوار أو كلام أو رأي منشور أنا ماليش دعوه بيه ولا يمثلني في شيء .. شكرا".
وكانت صحيفة "الرأي" الكويتية نشرت حوارها المفبرك مع أحمد حلمي بتاريخ الثلاثاء 26 أغسطس الجاري، والذي نسبت فيه على لسانه: "لكن في النهاية يبقى عملي في الفن هو المتعة الحقيقية حين أقف أمام الكاميرا.. وأبدأ في تجسيد شخصية بعيدة كل البعد عن شخصيتي، وأتمنى بعد تجسيدي لدور قرد ودبدوب أن أجسد دور كلب".