شارك الفنان أحمد السقا معجبيه ومحبيه حكمة يعتز بها كانت من أسباب نجاحه في الحياة، والتي حصل عليها من الفنان يحيى الفخراني عندما كان في بداياته الفنية.
وأشار "السقا" أنه استمع لهذه الحكمة من "الفخراني" أثناء تصويرهما لمسلسل "ألف ليلة وليلة" (1995)، وهي كما يروي السقا عبر صفحته على Facebook:
"كنت صغيرا و زي أي مراهق أحلم بالشهره أو الهجره أو المال.. ...
فاستدعانى وأغلق باب غرفته و كنا نصور ألف ليلة وليلة .. يا علي يا علي
وقال لي الآتى... إنت عايز إيه ف حياتك...... قلتله عايز أبقى وأبقى وأبقى..بس بصراحة حبيت التمثيل أوى بس شايف إنى مش هابقى حاجه فيه أدرك بفطنته ما أعني ثم أعطاني واحد من أعظم الدروس.. ... مش مهم تبقى نمرة 1 لأن الدوام لله المهم لو كنت 2 أو 3 تبقى نمره واحد ف المركز المتاح ليك".
وتابع أحمد السقا أن يحيى الفخراني نصحه كذلك بـ "اعمل اللي بتحبه مش المفروض عليك، لأنك عمر ما هتبقى حاجه غير ف اللي إنت بتحبه".
وتجدر الإشارة أن أحمد السقا ويحيى الفخراني تعاونا فنيا في مسلسلات "ألف ليلة وليلة" و"نصف ربيع الآخر" (1996) ومسلسل الكرتون "قصص الحيوان في القرآن الكريم"، والذي عرض في رمضان 2011.