حمو بيكا يتهم حسن شاكوش وعمر كمال بسرقة لحنه: مش أي حد هيجيب لحن الأغنية

نهال ناصر

نهال ناصر تاريخ النشر: الثلاثاء، 10 نوفمبر 2026 | آخر تحديث:

حمو بيكا وحسن شاكوش وعمر كمال

اتهم مطرب المهرجانات حمو بيكا مطرب المهرجان حسن شاكوش وعمر كمال بسرقة لحن منه.

وظهر حمو بيكا في بث مباشر عبر صفحته على Facebook وقال: "حسن شاكوش وعمر كمال إخواتي وأتمنالهم كل خير ونجاح بس حابب أقولهم كلمتين، من 5 أيام لقيت لحن كنت أنا عامله وحسن شاكوش ونور التوت، لقيت اللحن بيتعمل حسن شاكوش وعمر كمال بنفس اللحن والطريقة، جاب عمر كمال غنى ودا يشرفني بس لما كلمتك يا حسن قلتلك مينفعش ينزل غير وإحنا فيه يعني أنا مينفعش أخد لحن "بنت الجيران" وأغنيه أنا ونور التوت وأخلي فيجو يوزعه، الأصول المفروض صحاب اللحن واللي تعبوا في الأغنية كانوا جم غنوها".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع حمو بيكا: "نزلت بوست وقلت إحنا الشارع وإحنا أصحاب مليارات الأغاني ماشي يا عم هي مش بالمليارات بس أنا بعتب عليك لما تاخد اللحن وتروح تعمله لأ في بيكا ونور التوت وفيجو الدخلاوي، ومش أي حد هيجيب لحن الأغنية عشان إحنا أساس اللحن والفكرة، لقيتك منزل الأغنية وحسستوني أن عمر كمال صاحب الأغنية، عمر أخويا وأحب له النجاح، بس كلمتك يا حسن كذا مرة وقلتلك الأغنية لازم نكون فيها وقلتلي ماشي هكلمك لما أخلص شغل ولقيتك فتحتلي الهويس".

نرشح لك: منها "عشماوي" و"سلطان الديب" ونيللي وشريهان 2" و"الفلكي" ... القائمة المبدئية لمسلسلات رمضان 2027

وأكمل حمو بيكا: " أنت أصلا دايما كده مش حاجة جديدة أنا بس طلعت أوصل رسالة أن الأغنية اللي عاملين عليها دعاية طلعت من عندنا اللحن بالكلام باللي وزع باللي غنا، وأنا نزلت على تيك توك وقلتلك بتتقال كده وأنت عامل اللحن بايظ لأن التوزيع من عندنا".