مي كساب تكشف عن أزمة مادية مرت بها وقت كورونا: كنا بنلم " الجنيهات الفضة" عشان نجيب أكل

نهال ناصر

نهال ناصر تاريخ النشر: الاثنين، 9 نوفمبر 2026 | آخر تحديث:

مي كساب

كشفت الفنانة مي كساب عن مرورها بأزمات مادية صعبة خلال مشوارها الفني مشيرة إلى أنها تمكنت من عبور هذه الأزمات بالصبر والرضا وأنها الآن تضحك على هذه الأيام.

وحكت مي كساب خلال لقائها مع "الأيام البحرينية": "وصلت مرحلة الحاجة المادية 3 مرات، مرة في بداياتي ومرة وقت ثورة يناير والمرة التالتة وقت الكورونا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت مي كساب: "أيام كورونا كنا بنلم الجنيهات الفضة "الكوينز" عشان نجيب أكل، كنا بندور في كل الشنط، وصلت للمرحلة دي والصورة اللي عند الجمهور أن كلنا غرقانين في بحر الملايين دي مش حقيقية، والله وصلت للمرحلة دي مثلا المربية بتاعة أولادي قعدت 5 شهور مش بتاخد مرتب لأنها عارفة أن مفيش شغل وبندفع أقساط البيت، وصلنا لمرحلة صعبة جدا، وأنا بقول أن ربنا كافأني أنا وجوزي بعد كورونا رضاه ونجحه نجاح كبير وأنا كمان لأن إحنا استحملنا وصبرنا ورضينا وقلنا الحمد لله وعديناها بصبر ورضا ولما بنحكي على اليوم اللي كنا نبدور فيه على "الكوينز" عشان نجيب أكل بنضحك، أنك تبقى شبعان دي نعمة كبيرة وأنك تبقى واثق إن ربنا هيعوضك ويراضيك برضو نعمة كبيرة".

نرشح لك: أحمد فلوكس يرد على اعتذار محمد رمضان: لا يوجد بين الأخوة اعتذار

وأوضحت أنه بسبب تربية أهلها لها تمكنت من المورو من هذه الأزمات: "التربية فرقت معايا الله يرحم أبويا وأمي ويجازيهم كل الخير عن تربيتهم لينا، بابايا علمني الشبع من وأنا صغيرة معايا جنيه زي مليون جنيه ميفرقش معايا أبدا".

يذكر أن مي كساب شاركت في موسم رمضان 2026 بمسلسل "نون النسوة".

مسلسل "نون النسوة" بطولة مي كساب، ندى موسى، هبة مجدي، محمد جمعة، أحمد الرافعي، أحمد فهيم، سيمون، لبنى ونس، إيهاب فهمي، سامي مغاوري، مروة الأزلي، العمل من تأليف محمد الحناوي، وإنتاج صباح اخوان، وإخراج إبراهيم فخر.