ريهام عبد الغفور: وقت موت أبويا تمنيت أن الانتحار ميكونش حرام

نهال ناصر

نهال ناصر تاريخ النشر: السبت، 7 نوفمبر 2026 | آخر تحديث:

ريهام عبد الغفور

تحدثت الفنانة ريهام عبد الغفور عن أكتر فترة صعبة مرت بها وقت وفاة والدها.

وقالت ريهام عبد الغفور خلال لقائها في بودكاست "منا وفينا": "من كتر حزني على أبويا كنت بتمنى أن ينفع أموت نفسي، مفكرتش في الانتحار أنا ست مؤمنة بس تمنيت أن الانتحار ميكونش حرام، أنا كنت بتمنى الموت".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت ريهام عبد الغفور: "وفاة والدي كانت ولا زالت تجربة رهيبة قاسية جدا، من وقت ما حصل وفاة أبويا قربت على 3 سنين أنا واحدة تانية مهما تعايشت واشتغلت ونجحت وفرحت في وجع أنا عايشة بيه، في ناس تعرضت للفقد والموضوع كان أسهل بس أنا الموضوع كان قاسي أوي تعبت أوي أوي ورحت لدكاترة نفسية وأخدت أدوية ضد الاكتئاب والأدوية تعبتني والحمد لله أن ربنا عدى الوقت دا وقدرت إني أبقى بتعايش".

نرشح لك: رانيا فريد شوقي وعاطف عوض يحتفلان بخطوبة ابنتهما فريدة

وحكت ريهام عبد الغفور عن فترة تصوير مسلسل "كتالوج" قائلة: "مسلسل "كتالوج" كان من أصعب التجارب اللي عدت عليا لأنه بعد 40 يوم من وفاة والدي نزلت أصور لأني كنت مضيت العقد من فترة، قعدت أفكر اشتغل ولا مشتغلش، كنت بحاول أهرب إيه ممكن أعمله وأخلص من الوجع اللي أنا فيه، المنتج والمخرج وكل الناس كانوا داعمين ليا أوي وكانوا حاسين بيا، بس أنا مكنتش مستعدة وكان أحسن لي مصورش كنت تعبانة وباخد أدوية مخلياني مش حاسة باي حاجة ودا خلاني في التمثيل مش حاسه وكان بيجلي نوبات هلع وممكن أصوت وأعيط وأبقى عايزة أسيب المسلسل واعتزل وأن دي نهايتي".

يذكر أن ريهام عبد الغفور شاركت في موسم رمضان 2026 بمسلسل "حكاية نرجس".

وشارك في بطولته إلى جانب ريهام عبد الغفور وحمزة العيلي كل من سماح أنور وتامر نبيل وبسنت أبو باشا وآخرين، وهو من تأليف عمار صبري وإخراج سامح علاء.