مواجهة بين أشرف زكي ونجوى ابراهيم بسبب تصريحاتها عن فساتين النجمات في الجونة

مي جودة

مي جودة تاريخ النشر: الخميس، 29 أكتوبر 2026 | آخر تحديث:

نجوى ابراهيم وأشرف زكي

في مداخلة مع برنامج "بيت العز" الذي تقدمه الفنانة نجوى إبراهيم، رد نقيب الفنانين أشرف زكي على تصريحاتها التي اعتبرها مسيئة للفنانات بسبب ملابسهم في مهرجان الجونة.

قالت نجوى ابراهيم: "الدكتور أشرف زكي اتصل بيا كتير وعايز يكلمني، وأنا دايما بقول إن اللي اتكلم لازم اللي اتكلم معه يبقى له حق الرد، هو والجمهور"، ليرد عليها قائلا: "أنا ماتصلتش بيكي كتير ولا حاجة، أنتي أساسا غيرتي رقمك، وجابوا لي رقم وبعت لك بس قولت لك (صباح الخير)، بس كدة"، وردت عليه: "هنا في المحطة قالوا لي انك اتصلت وكلموني عن لسانك كتير"، ليؤكد أنه اتصل فقط برئيسة المحطة.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع أشرف زكي: "اللي حضرتك قولتيه احنا رافضينه كفنانين ولنا حق الرد، أنتِ واحدة من الأسرة الفنية اللي بتهينيها وتتجاوزي في حقها، وأنتِ عضوة في النقابة، ومكنتش انتظر ان حد من الأسرة الفنية يطلع يهين فنانات مصر، ويشبههم بتشبيهات لا تليق، حضرتك قولتي مايوهات وزوجات، ماتقولي بالأسماء مين".

View this post on Instagram

A post shared by NogoumFM (@nogoumfm)

واستكمل: أنتِ عارفة يا استاذة نجوى وضعك ومكانتك عندنا على المستوى الخاص والإنساني، وربنا يعلم قيمتك عندنا ايه، والحقيقة انا اتصدمت انا وزملائي الفنانات ومتحفظين بشدة على ما قولتيه.

وأضاف أشرف زكي: أنا مش عارف تقصدي مين بأزواج، أنا مثلا؟ ما انا كنت موجود انا ومراتي هل تقصديني أنا شخصيا؟"، لترد عليه نجوى ابراهيم: "أنا عمري ما شوفتك غير بالبدلة، ولا أقصد حد بالاسم".

واستطرد أشرف زكي: أنا معتقدتش إنك تقصدي تهيني فنانات لأن طول عمرك طاقتك إيجابية جدا معنا وبتحترمي الجميع وعمرنا ما كلمناكي إلا وبتكلمينا بكل الحب، والود والاحترام، فماذا حدث؟

وردت نجوى ابراهيم: لم يحدث أي شيء أنا لم أقصد أن أهين شخص، انا بعتبر إني في العمر دا والمكانة بتاعتي إن دول زي ولادي، وماليش دعوة بردو وماقولتش بالأسماء، ومن دوري إن أنا أقول رأي، وحضرتك بتمثل الفئة دي المحترمة وليك حق الرد وانا اتصلت بحضرتك، أنا اتكلمت بصيغة "ماما نجوى" ودا لقب خدته من سنين طويلة جدا وهما هيعرفوا قيمته بعدين.