فيديو- تأثر وبكاء آيات أباظة في أول ظهور إعلامي بعد تعافيها من السرطان

نهال ناصر

نهال ناصر تاريخ النشر: الأربعاء، 7 أكتوبر 2026 | آخر تحديث:

آيات أباظة

لم تتمالك الإعلامية آيات أباظة دموعها في أول ظهور لها على شاشات التليفزيون بعد شفائها من مرض السرطان.

أطلت آيات أباظة في برنامج "مساء الفن" عبر قناة "نايل دراما" بعد غياب عامين خاضت فيهما رحلة المرض والشفاء، وشاركها في تقديم الحلقة صديقتيها منى أبو الغيط وهبة فاروق دعما لها.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وقالت آيات أباظة خلال ظهورها في الحلقة: "أنا بعيط بقالي ساعتين ومتأثرة، أنا اللي كان بيديني قوة أهلي وأصحابي وكل الناس، حب الناس غيَر حاجات كتير أوي كنت بحس إني بقيت كويسة وبفرح بدعاء الناس وحسيت أن الدعاء غير القدر كنت بحس بدا، أنا بشكر زمايلي كلهم كانوا مفاجأة بالنسبالي، ولكل مريض النفسية أهم حاجة وأن الواحد يبقى عنده يقين أن ربنا يشفيه ويبقى عنده أمل ينسى أنه عيان، اللي بقوله لو حد تعبان دلوقتي هيقولي مش بالساهل بس بجد أنا عملت كده".

نرشح لك: أحمد العوضي وتامر مرسي وأحمد فهمي وعمرو سعد ومحمد أنور من بينهم .. النجوم في العرض الخاص لـ "مطلوب عائليا"

وتلقت آيات أباظة اتصالات هاتفية من عائلتها منها اتصال من والدتها وهو ما جعلها تبكي بشدة.

وقالت والدتها لها: "أنا فخورة بيها تحمل وصبر هي اللي كانت مصبراني، أنا مش مصدقة أنا فخورة بيكي نورتي حياتنا كلنا كل العيلة مستنياكي، أنا بشكر شهيرة وعمرو محمود ياسين أنا عمري ما حسيت بالحب في حياتي قد ما حسيت في الشدة دي".

كما تحدث المؤلف عمرو محمود ياسين زوج آيات أباظة ليوجه الشكر لزملائها على مساندتهم لها وقال: "أنا بشكركم لأنكم مش مدركين الفترة اللي فاتت كانت قد إيه صعبة على آيات وهي في وسطكم دلوقتي بعد فضل ربنا وفضلكم كانت بتتأثر بكل رسالة دعم كنتوا بتبعتوها وكل مكالمة تليفون كانت أصعب لحظة بالنسبالي لما كانت تبصلي وتقولي أنا وحشني الشغل ونفسي أرجع الجملة دي كانت بتتعبني جدا لأنها كانت بتقوم بالعافية، أنا النهاردة يوم مش عادي بالنسبالي".