حكى الفنان ميشيل ميلاد تفاصيل تحضيراته لشخصية "معتصم" التي قدمها في حكاية "ما لم يحك عن بني مزار" من مسلسل "القصة الكاملة".

وقال ميشيل ميلاد خلال لقائه في برنامج "الحكاية" مع عمرو أديب: "أنا بمثل من 2011 من أول مسرح الجامعة لقصور الثقافة كل المسارح في مصر وقفت عليها ودا بيديك خبرات تخليك قادر لما تتحط في دور دي تجارب شايلها جواك ومحتاجة تطلع، مسلسل "ما لم يحك عن بني مزار" كانت تجربة صعبة بس ممتعة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وعن تحضيراته للدور قال: "تحضير الدور كان فيه مستويات كتير في المذاكرة، أول ما قريت قلت لأستاذ مجدي الهواريإنه صعب أوي ومحتاج مذاكرة كتير، فقالي دا حلقة قلتله بس كل حلقة مدرسة، أولا هو مريض نفسي فكان لازم أروح لدكتور نفسي رحت لدكتور نبيل القط قعدت معاه وسألته الشخصية بتعمل إيه وقالي أن دا أقرب حاجة أن عنده "فصام"، بعدها سألت المرض النفسي دا هيعمل إيه في الشخصية "معتصم" دا هيخلي شكله عامل إزاي ومشيته عامله إزاي، كنت طول الوقت بسمع موسيقى فلكلورية قديمة عشان أدخل الشخصية وأول ما يقولوا "أكشن" أبقى جاهز، هي دي متعة الشغلانة لأني لو معملتش كده هيبقى أي حد يمسك الورق ويقول الكلام هيعمله".

نرشح لك: ماجد الكدواني يشارك كريم عبد العزيز في "الفيل الأزرق 3"

وتابع ميشيل ميلاد: "الناس فاكرة إني عملت حلقة في مسلسل لكن اجتهاد الحلقة دي بمسلسل كامل، أنا سافرت المنيا ورحت قريبة اسمها "بني خالد" جنب "شمس الدين" قعدت يوم كامل أشوف كل حاجة والناس بتتكلم إزاي لأن هو مش بس صعيدي دا ليه "لكنة" حاجات لا يمكن إني كنت أعرفها لو مكنتش سافرت، وفرق معايا كتير جدا في طريقة كلامي".

وعن تحضيرات المشهد الذي ظهر فيه يضرب نفسه قال: "في مشهد لما "معتصم" بيضرب فيه نفسه، أنا عارف طريقة تمثيله بس أنا ممكن أعمل حركات تضحك، رحت لراقص وسألته عشان أعرف حركاتي صح، وذاكرت الحركات كويس جدا عرفت إيه الحركات الزيادة وإيه الصح".

وحكاية "ما لم يحك عن بني مزار"من بطولة أحمد عبد الوهاب، وميشيل ميلاد ومراد مكرم وأحمد عبد الحميد وصفاء الطوخى وعارفة عبدالرسول، ويظهر الفنان خالد الصاوى ضيف شرف، وهي من تأليف هانى سرحان، وإخراج أحمد نادر جلال.

اقرأ أيضا:

مشاهير من أصول غير مصرية ... العرق الأوروبي حاضر بقوة

#شرطة_الموضة: جيهان الشماشرجي بفستان من جورج حبيقة أجرت عليه هذا التعديل خلال أسبوع الموضة في باريس

محمد الشرنوبي: قدمت أعمال عشان كان عندي أقساط

أحمد جمال بعد اعتذاره: الأوبرا بيتي .. وأنا تحت أمر مهرجان الموسيقى العربية والمايسترو محمد الموجي

لا يفوتك: في حماة قمر كدة؟! فرحة أم العروسة غادة عادل بخطوبة ابنتها مريم

لا يفوتك: أفلام ناجحة هنشوف لها جزء جديد قريب سهر الليالي وطير انت ومافيا وصعيدي في الجامعة الأمريكية وغبي منه فيه ... حقيقة ولا أمنيات؟؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5