كريم فهمي: أجري أقل من غيري ومعرفش مين الأعلى

نهال ناصر

نهال ناصر تاريخ النشر: السبت، 26 سبتمبر 2026 | آخر تحديث:

كريم فهمي

كشف الفنان كريم فهمي أنه لا يتقاضى أجرا كبيرا يناسب نجوميته موضحا أنه لا يهتم لفكرة الأجور أو من الأعلى.

وقال كريم فهمي خلال لقائه في برنامج "من وفينا" مع هبة حيدري عبر "المشهد": "مقدرش أقول أجري كام ولا أعرف أو بسأل أجور الفنانين إيه، أكيد الحمد لله عايشين حياة كويسة وربنا يزيدها نعمة، لكن معرفش مين الأعلى أجرا اللي أقدر أقوله لو أستاذ عادل إمام نزل يمثل في أي وقت هيبقى هو الأعلى، أنا مش بسأل بياخدوا كام أنا مالي هيفيدني في إيه؟".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع كريم فهمي: "أنا باخد أقل من الأجر اللي المفروض أخده لأني عندي مشكلة لو عجبني مشروع ببقى عامل زي العيال الصغيرة عايز أمضي واشتغله، بحاول دلوقي اظبط الموضوع، أنا باخد أقل من غيري ومش لازم أكون أعلى واحد، بس بسعى إن أجري يعلى".

نرشح لك: نيللي كريم: "الفيل الأزرق 3" قنبلة ... ولسه مصورتش مع دينا الشربيني - (فيديو)

وعن فكرة الأجور وما يثار دائما من جدل حولها قال كريم فهمي: "الموضوع عرض وطلب وعمر ما منتج هيدي حد رقم كبير أوي غير لو هو مطلوب، بس مين بياخد إيه أو مين أعلى واحد هنعرف منين لو جيت قلت أنا باخد كذا حد بيطلع عقود محدش بيعرف، بس أكيد في نجوم كبار جدا زي كريم عبد العزيز وأحمد عز بيعملوا أعلى إيرادات في السينما فطبيعي يبقوا أعلى أجور وعمرهم ما طلعوا قالوا كده".

وخلال اللقاء كشف كريم فهمي عن رأيه في دخول بناته لمجال التثميل وقال: "أنا سايبلهم الحرية في الاختيار لكن هبقى بقولهم كل الصعوبات بخبرتي اللي أنا عيشتها عشان يبقوا عارفين أنها شغلانة مش سهلة".

يذكر أن كريم فهمي شارك في موسم رمضان 2026 بمسلسل "وننسى اللي كان" وهو ثالث عمل يجمعه بالفنانة ياسمين عبد العزيز.

ومسلسل "وننسى اللي كان" بطولة ياسمين عبد العزيز، كريم فهمي، شيرين رضا، إنجي كيوان، خالد سرحان، محمد لطفي، إدوارد، ومنة فضالي، وسينتيا خليفة، والعمل من تأليف عمرو محمود ياسين وإخراج محمد حمدي الخبيري.