كشفت الفنانة زينة تفاصيل علاقتها بالفنانة شيرين عبد الوهاب وحكت انها تعرفها من قبل الشهرة.
وقالت زينة خلال لقائها في بودكاست "قصتي" مع محمد قيس: "أنا وشيرين عبد الوهاب أصحاب من زمان أوي من قبل ما تعمل "أه يا ليل" كنا شلة أنا وتامر حسني وأحمد سعد وشيرين وياسمين أختي ودنيا وإيمي سمير غانم، كان نصر محروس كنت أعرفه وكان عارف إني بلبس حلو كلمني قالي أنا جايب بنت جديدة صوتها حلو وطلب مني أنزل اشتري معاها لبس للفيديو كليب، أخدتها ورجعنا على البيت عندي واتغدينا مع بعض وبقينا أصحاب".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابعت زينة: "لما بدأت تتعرف كنا بنسافر معاها، يعني مثلا عندها حفلة في لبنان أروح معاها أنا وياسمين تذاكر ببلاش ونتفسح، هي بالنسبة ليا مش مطربة ولا صاحبتي عادي، أبويا كان بيحبها وهي كانت بتحبه وفاكرة بابا مرة تعب ودخل المستشفى شيرين كانت بتيجي تقعد تحت رجله وتأكله عمري ما هنسى المشاهد دي في حياتي".
نرشح لك: فقدت القدرة على الكلام والكتابة … إصابة الممثلة التركية جولسن تونجر بطلة "العشق الممنوع" بسرطان المخ
وأكملت زينة حكايتها: "علاقتي اتقطعت بشيرين خالص من وقت كبير قبل الأزمة اللي حصلت، حتي علاقتها بياسمين أختي من ساعة ما شيرين اتجوزت حسام اختفت تماما، إلى أن سمعت أنها تعبانة قلبي وجعني ولقيت نسرين أختي بتكلمني في التليفون وبتعيط كنا عرفنا الموضوع من ناس قريبين منها، كلمت حد وطلبت رقم شيرين عبد الوهاب وكلمتها ورحتلها كانت تعبانة صحيا عملت عملية وشالت المرارة وكان عندها الصفراء، مش الحاجات اللي بتتقال عنها، هي عملت عمليات ودخلت العناية المركزة وحالتها كانت خطر هي أهملت في صحتها".
وأضافت: "لما لقيت نفسي لوحدي كلما أحمد سعد وهو أقرب لشيرين كتير، وهو مترددش لحظة هو راجل محترم وجدع".
وعن علاقتها ببنات شيرين عبد الوهاب: "إحنا إخوات من زمان وأولادها ولادي ومولودين على إيدي وولاد أختي أصحاب "مريم وهنا" وبحبهم زي ما بحب "عز وزين" وفي حفل التخرج شيرين كانت موجودة بس مش لازم تتصور عشان تثبت لحد".
اقرأ أيضا:
#شرطة_الموضة: جيسيكا حسام الدين بفستان أسود قصير ... سعره 120 ألف جنيه
إياد نصار يتحدث الصعيدي لأول مرة في "قاصد طريق"
لا يفوتك: الفنانة شهيرة عملت إيه في رحلة علاج الإعلامية آيات أباظة؟ اسمع القصة كاملة والاشاعات اللي طاردتها
لا يفوتك: نهايات جديد لأفلام أيقونية ... إيه اللي هيحصل في نهاية تايتانيك ولالا لاند وإبراهيم الأبيض
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5