أكدت الفنانة يسرا أنها لم ترفض فكرة الإنجاب وأنها بالفعل كانت حاملا أكثر من مرة لكن الحمل لم يكتمل فرضت بقضاء الله.
وقالت يسرا خلال لقائها في برنامج "الصورة مع لميس الحديدي": أنا في جوازتي الأولانية كنت عايزة أخلف وفعلا حملت مرة أو مرتين ومحصلش نصيب أن البيبي قعد، خلاص مش هعاند مع ربنا، في حاجات بتاعة ربنا ولازم تقبلي بيها لأنك لو مرضتيش هتعملي إيه هتغيري حاجة أنتي اللي هتتعبي، سلمت أمري لله والنهاردة بقول الحمد لله إني مخلفتش علشان الحياة دلوقتي مش زي الحياة زمان وظروف دلوقي مش زي زمان القهرة بتاعة دلوقي بقت صعبة أوي".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابعت يسرا: "زي موضوع نجلاء فتحي ووفاة بنتها أنا خايفة عليها البنت دي مولودة على إيدي أول عملية ليها كنت معاها ومع نجلاء في مستشفى في الإسكندرية، وقعت مرة اتزحلقت وديناها المستشفى البنت راضية بكل اللي ربنا كتبهولها، أنا مقهورة قهرة محدش يتصورها وبفكر في نجلاء طول الوقت وخايفة عليها جدا وللاسف مكنتش في مصر عشان أعرف أعزيها ومش عارفة اروح لها عشان هي رافضة تشوف أي حد وأنا مقدرة جدا، ياسمين كانت ملاك مش بشر، يعني قهرة زي دي مكنتش هستحملها".
نرشح لك: فيديو – آيات أباظة ترد على شائعات ارتباط زوجها عمرو محمود ياسين: كنت خايفة الناس تصدق
وتحدثت عن يسرا عن زيحتها الأولى وقرار الانفصال وقالت: "قرار أخدته وأنا مقتنعة تماما إني صح، وعرفت بعد كده إني كنت صح، في ستات بتخاف تقول "لأ" عشان متدفعش التمن، لكن في ستات لازم تبقى عارفة أمتى تقول "لأ" ممكن متقولش "لأ" طول عمرها لكن تيجي في لحظة لازم تقولها، ودا لما حقها يهدر تماما، مش كل حاجة تقف عليها الست في ستات نكدية، لكن في ستات حقانية وفاهمة أمتى تطلب حقها صح ودول أنا معاهم".
وتابعت يسرا: "أنا قلت لأ كتير واتكسر قلبي زمان، لكن دلوقتي خلاص".
على جانب آخر، يعرض ليسرا في دور العرض السينمائية فيلم "الست لما".
فيلم "الست لما" يشارك في بطولته إلى جانب يسرا كل من: ماجد المصري، ياسمين رئيس، درة، عمرو عبدالجليل، انتصار، دنيا سامي، رانيا منصور، محمد جمعة، محمود البزاوي، محمد أنور، وعدد من ضيوف الشرف، والعمل من إنتاج ندى السبكي ورنا السبكي، وإخراج خالد أبو غريب، تأليف كيرو أيمن ومصطفى بدوي.
اقرأ أيضا:
يارا السكري تتألق في جلسة تصوير جديدة من "فينيسيا"
#شرطة_الموضة: بوسي بفستان "بينيلوبي" من الشيفون ونقوشات ورود في جلسة تصوير جديدة … سعره 13 ألف جنيه
هيفاء وهبي تتألق في حفل زفاف نجل الفنانة اللبنانية جوليا بطرس
لا يفوتك: عاوز تعرف مين هو أغنى ممثل في العالم خارج هوليوود؟ 😉تعالى نقول لك ✋
لا يفوتك: لو فيلم تايتانك اتعمل منه نسخة مصرية مين يبقى الأبطال
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5