شهيرة: أنا محتشمة مش محجبة والإيشارب مش هو الدين

نهال ناصر

نهال ناصر تاريخ النشر: الأحد، 16 أغسطس 2026 | آخر تحديث:

شهيرة

تحدثت الفنانة شهيرة عن الزي الذي تظهر به حاليا بعد حجابها وابتعادها لفترة عن الأضواء موضحة أنها الأن محتشمة وليست محجبة.

وقالت شهيرة خلال لقائها في برنامج "الصورة مع لميس" مع الإعلامية لميس الحديدي: "أنا قعدت 28 سنة محجبة، لما كبرت طلعت "القوصة" لسه مظهرتش بشعري، أنا مش محجبة لأن دا مش الحجاب أنا ست محتشمة، أنا لسه معنديش الجرأة بقالي 28 سنة مغطية شعري مش واخدة على إني أبقى فجأة من غيره، أنا كبرت ومفيش فتنة مش هكسر الدنيا بشعري، والإيشارب مش هو الدين".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت شهيرة: "الأخلاق أهم حاجة اللي إحنا بنفتقدها دلوقتي، شوفوا السوشيال ميديا عشان "القوصة" اللي بتبان دي لازم ينصحوني ويقولولي حاجات ويتطاولوا عليا وعلى الفنانين بشكل عام، مش فاهمة إحنا بنعملهم إيه علشان كل التطاول دا".

نرشح لك: التعليق الأول من ليلى أحمد زاهر بعد انتقادات حلقتها مع زوجها هشام جمال في AB Talks

وأكملت: "الدين هو الأخلاق الرسول عليه الصلاة والسلام لما اتكلم عن البعثة بتاعته مقالش ربنا بعتني عشان أقولكم إزاي تصلوا ولا تحجوا ولا تصوموا ولا تحطوا طرحة، إنما بُعثت لأتمم مكارم الأخلاق".

وعن فكرة عودتها للتمثيل مجددا أوضحت شهيرة أنها ترحب بالفكرة لكن حتى الآن لم تتلق العرض المناسب للعودة بعد غياب 28 عاما موضحة: "لما كبرت ومحمود حبيبي مش معايا بدأت أفكر مش في مهنتي في هوايتي، مستعدة أرجع أمثل لكن الحاجات اللي اتعرضت عليا منهم عملين في رمضان اللي فات بس محستش أن دا الرجوع بعد 28 سنة".