نور الغندور تكشف عن فترة مرضها بـ"الثعلبة": شلت شعري كله ومنزلتش دمعة واحدة

نهال ناصر

نهال ناصر تاريخ النشر: الأحد، 9 أغسطس 2026 | آخر تحديث:

نور الغندور

كشفت الفنانة نور الغندور لأول مرة عن فترة صعبة مرت بها بسبب المرض.

وحكت نور الغندور عن فترة إصابتها بـ"الثعلبة" وكيف تصرفت مع هذا الأمر، وقالت خلال لقائها ببرنامج "شربل يستقبل": "فترة مرضي كانت بالنسبة لي فصل جديد كنت بقفل صفحة وبفتح صفحة ومكنتش حاسة إني عايزة أطلع بيها للعلن مش هتفيد حد ولا هتفيدني، كانت في 2020 سنة كورونا، عيشت فترة طويلة في لبنان ومكناش قادرين نسافر وبعدها حصل إنفجار مرفأ بيروت كانت في حاجات سلبية كتير حصلت ورا بعض وأنا شخص بيكتم جواه ومش بيعبر خوفا على الناس اللي حواليا فجأة اكتشفت إني طلعلي "ثعلبة" وخسرت جزء كبير من شعري".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت نور الغندور: "أنا كنت لوحدي ومش عارفة أعمل إيه، وأنا باخد الصدمة وبحطها جوايا ولأول مرة ملجأتش لأهلي لو قلتهم خبر زي دا هيتأثروا أكتر مني، اللي عملته رحت للكوافير وطلبت يشيل شعري كله مش عايزة أشوف شعري، ومنزلتش دمعه وقلتله متأكدة 100% مش عايزة أشوف شعراية واحدة في شعري".

نرشح لك: #شرطة_الموضة: شيرين عبد الوهاب بفستان من التول مطرز بالورود في حفلها بالساحل الشمالي … سعره 37 ألف جنيه

وأكملت: "مسك ماكينة الحلاقة وإيده بتترعش أنا بالنسبالة ممثلة ومعروفة بشعري، شالي شعري كله ومع كل ضربة في راسي في حاجة وحشة من جوايا بتتشال كل السلبيات اللي عيشتها، كنت عامله حسابي ومعايا باروكة شعر قصير وخرجت بيها كأنه نيو لوك، الموضوع مأثرش عليا بشكل سلبي أثر عليا بشكل إيجابي طويت صفحة وبدأت صفحة جديدة".

واختتمت نور الغندور حديثتها: "بكيت أول مرة لما رجعت وأنا لوحدي ولما قابلت أهلي وشافوني، بس في ناس بتمر بأمراض أصعب من كده بكتير وبتتعايش مش هنقف عند أبسط حاجات ربنا مدينا حلول ليها ونزعل، التجربة دي علمتني الإيمان والقوة".

ويعرض لنور الغندور عبر منصة نتفليكس فيلم "أحبك من زمان".

ويضم العمل نخبة من النجوم، في مقدمتهم نور الغندور وعلي كاكولي، إلى جانب فاطمة الشريف ونهى نبيل وشوق الهادي، بينما يتولى الإخراج إيلي السمعان، ومن إنتاج شركة Eagle Films للمنتج جمال سنان.