طالب المؤلف عمرو محمود ياسين جمهوره بعدم الانسياق وراء كل ما ينشر من صور وفيديوهات عن الزلزال لأن قد يكوم منها مولد بالذكاء الاصطناعي.
وكتب عمرو محمود ياسين عبر حسابه على Instagram: "أولا حمد الله على سلامة الجميع الحمد لله لحد دلوقتي مافيش أي أخبار سيئة وإن شاء الله تكون عدت على خير وماحدش يقلق من التوابع لانها بتكون أقل حدة من الزلزال الرئيسي ونخلي بالنا في بوستات لانهيارات لمباني معموله Ai فا مانشاركش الكلام ده ونتاكد قبل الشير".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابع عمرو محمود ياسين: "أما التنبيه اللي وصل لناس وناس لا فالمجد للاندرويد ولا عزاء لعبيد التفاحة اللي ماسكين ايفون ... تليفونك الايفون مش بيقولك اللي بتتصل بيه مع ويتنج ولا لا ..مستني منه يقولك خلي بالك في زلزال؟ بس مش مهم المهم ان في تفاحه في ضهر الموبايل".
نرشح لك: بروفات واستعدادت شيرين عبد الوهاب لحفلها في الساحل الشمالي - فيديو
وأضاف: "النقطه الأهم بقى هو الاندرويد مش بيتنبأ بالزلزال قبل حدوثه هو الزلزال بيكون بدأ بالفعل قرب مركزه لكن أندرويد بيحاول تحذير الناس البعيدين قبل ما توصل لهم الهزة القوية طيب الحكايه دي بتحصل ازاي؟ الفكرة بسيطة جدا معظم موبايلات أندرويد فيها حساس حركة اسمه Accelerometer لو في مجموعة كبيرة من الموبايلات في منطقة واحدة رصدت اهتزاز مشابه بتيجي باعته إشارات لسيرفرات جوجل مع الموقع التقريبي .. طبعا جوجل مش بيعتمد على موبايل واحد لكن بيجمع بيانات عدد كبير من الموبايلات في المنطقة ويحللها عشان يعرف ده زلزال فعلا ولا ايه وفين وازاي ابتدى وايه قوته تقريبا.. الاعتماد ببقى على أجهزة كثيرة عشان مايبقاش الموضوع مجرد حادث عارض لاجهزه وقعت مثلا .. وبالطريقة دي بيحصل الموضوع بسرعه جدا و بيتبعت التحذير و ده احيانا بيكون مفيد ويخليك تاخد حذرك .. وربنا يسترها علينا جميعا ويحقظ مصر".
ووقع زلزال شعر به سكان القاهرة وعدد من المحافظات، وبحسب معهد البحوث الفلكية كانت قوة الهزة 5.5 بمقياس ريختر.
اقرأ أيضا:
#شرطة_الموضة: بوسي بفستان أنيق من Dolce & Gabbana سعره 97 ألف جنيه
بشرى بفستان واسع وحقيبة على شكل برتقالة في جلسة تصوير جديدة برأس البر
لا يفوتك: سبب انسحاب منة فضالي من "عيلة عاملة عمايل" في سوريا
لا يفوتك: عشاق الأكشن ... 5 أفلام أكيد أكيد واحد منهم على الأقل هتشوفه أكتر من مرة ✋
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz>