صفوة: عملت عملية تثبيت فقرات في ضهري قبل تصوير مسلسلات رمضان ومقولتش لحد

نهال ناصر

نهال ناصر تاريخ النشر: السبت، 20 يونيو 2026 | آخر تحديث:

صفوة

كشفت الفنانة صفوة عن سر لم تخبر به أحد طوال الفترة الماضية وهو مروها بوعكة صحية قبل مشاركتها في أعمال رمضان 2026.

وشاركت صفوة في موسم رمضان بأربع مسلسلات هي "علي كلاي" و"اتنين غيرنا" و"المتر سمير" و"إفراج"، وحكت أنها خضعت لعملية جراحية قبل تصوير هذه الأعمال ولم تخبر أحد بالأمر.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وقالت صفوة خلال لقائها في برنامج "أسرار النجوم": "حاجة أول مرة هقولها واللي أنا اشتغلت معاهم ميعرفوش عنها حاجة، أنا عملت عملية تثبيت فقرات في ضهري وتوسيع القناة العصبية قبل مسلسلات رمضان بشهرين".

نرشح لك: فيديو - فيفي عبده تكشف إمكانية خضوعها لعملية جراحية بعد تعرضها لكسر: ادعولي

وتابعت صفوة: "لما المسلسلات اتعرضت عليا سألت الدكاترة قالولي مش هينفع تقفي على رجلك وقلتلهم طيب ممكن ألبس حزام قالوا لأ، بس أنا عملت الأربع مسلسلات وأنا يعتبر لسه خارجة من العملية، في مشهد في مسلسل "علي كلاي" وهما بيموتوني أنا ضهري كان لسه تعبان ومكنتش قايلة لحد، ولما وقعت في المشهد الناس اللي معايا عارفين اتخضوا وأنا قلتلهم أنا تمام وصلت البيت وبدأت رجلي تنمل مكنتش حاسه بيها، والدكتور قالي اعملي أشعة وقالي أنتي وقعتي بس الحمد لله الدنيا كانت كويسة والحمد لله إني قدرت أعمل الأعمال اللي شاركت فيها".

وأوضحت صفوة إنها أحبت هذه الأعمال وكانت تريد المشاركة فيها خاصة مسلسل "المتر سمير" كانت تريد العمل مع الفنان كريم محمود عبد العزيز، أما مسلسل "اتنين غيرنا" كان يشبه تجربتها الشخصية ورفض والدها عملها في مجال الفن لذا كانت متمسكة بتقديم الدور.

ومسلسل "اتنين غيرنا" من بطولة آسر ياسين ودينا الشربينى وفدوى عابد ونور إيهاب وهنادى مهنا وناردين فرج وأحمد حسن، وهو من تأليف رنا أبو الريش وإخراج خالد الحلفاوي.