حكت الفنانة يسرا كواليس فيلم "الإنس والجن" الذي قدمته مع الفنان عادل إمام.
وخلال لقائها في برنامج "بيت مراد" مع الكاتب أحمد مراد قالت يسرا: ""الإنس والجن" أنا تصورت أن أستاذ عادل إمام مش هيعمل الجن هيعمل الدور اللي عمله أستاذ عزت العلايلي، سألته يا عدوله هتعمل إيه؟ قالي الجن هو دا الجديد واللي لازم أعمله، وعمله حلو أوي".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابعت يسرا: "التكنيك بتاعنا زمان مكانش متقدم أوي وكنا لازم نبين أنه مش بيمشي، كان شيء متعب أنه يعمل دا كان بيبقى قاعد على كرسي البيانو ولازم يبان أنه مش بيمشي بيروح ويجي من مكان لمكان كأنه بيطير".
نرشح لك: شريهان: براندات الملابس استوحت الموضة مني في الفوازير
وأضافت يسرا متحدثه عن الفيلم: " كل الأطفال وقتها كانوا بيتفرجوا عليه وبيحبوه، أفلام الرعب دلوقتي أوحش بكتير من الأول بقت فيها دم كتير وشكل وحش بقت أقسى، "الإنس والجن" معمول بنعومه شفت الجن حبها وأنت هتحب الحب اللي هو حبه ليها، لما اتعرض عليها الفيلم كنت متحمسة أوي".
وتابعت يسرا: "مخفتش من حكاية فيلم "الإنس والجن" وعادل إمام كان بيضحكني والمفروض أنا أبصله اترعب وأنا بضحك من جوايا، في مشهد مدام أمينة رزق قعدت ساعة ونص مستنية وإحنا جاتلنا كريزة ضحك ودخلت علينا في الآخر قالت "أنتوا قليلين الأدب أنا بقالي ساعتين مستنية عشان أدخل المشهد".
على جانب آخر، انتهت يسرا من تصوير أحدث أفلامها "بنات فاتن".
ويناقش الفيلم مشكلة الحب والزواج بين جيلين وما يواجه الفتيات من مشكلات اجتماعية نتيجة سوء الاختيار أو سوء الحظ.
فيلم "بنات فاتن" من تأليف أمينة مصطفي، وإخراج محمد نادر، ويشارك يسرا البطولة كل من هدى المفتي وباسم سمرة وحسن مالك وخالد كمال ومجموعة من النجوم، من إنتاج شركة سينيتوبيا وتوزيع شركة فيلمي.
اقرأ أيضا:
السيلاوي: فكرت في اعتناق المسيحية بسبب هجوم المسلمين عليّ ... لم ألحد أو أسيء للنبي
لا يفوتك: اوعى تفتكر إن أغاني حماقي جايه صدفة كده ... لا دي قصة رومانسية درامية تعالوا نشوفها
لا يفوتك: أمينة خليل ميكس مبيتكررش ... عارفين ليه؟
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz>