مي عز الدين: يسرا وتامر حسني أكتر اتنين وقفوا جنبي في محنتي

نهال ناصر

نهال ناصر تاريخ النشر: الاثنين، 1 يونيو 2026 | آخر تحديث:

تامر حسني ومي عز الدين ويسرا

تحدثت الفنانة مي عز الدين عن النجوم الذين وقفوا بجانبها خلال المحن التي مرت بها.

وردا على سؤال الفنانة إسعاد يونس في برنامج "صاحبة السعادة": مين اللي حسيتي أنه ما يستاهلش صداقتك ومين اللي حسيتي أنه وقف جنبك ولا الحالة دي مش حقيقية ولا إيه؟

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

قالت مي عز الدين: "لا هو أنا بصراحة عندي طابع لأن أنا حد مقصر في واجبات كتير مع ناس فمبرمجه نفسي أن أنا ما ازعلش مابصش واقعد أدور وافكر مين اللي ما عملش لكن لما حد بيقف جنبي واقفه جامدة في وقت زي ده طبعا بفضل فاكراها له فأنا ما عنديش حد زعلانه منه حسيته مقصر خالص لكن أنا في اثنين مش سايبني يعني على مدار مشوار حياتي ومش ده مش شرط يبقى كان المنتظر منهم خالص لأن هما ساعدوني في كاريري بس مش لازم يساعدوني كمان يبقوا سند ليكي في الدنيا، أستاذة يسرا وتامر حسني أول ما هتبقي في حاجة هتلاقيهم".

نرشح لك: أزوجك قطعة من قلبي ... تامر هجرس يحتفل بعقد قران ابنته تمارا

وتابعت مي عز الدين: "يسرا وقفت معايا مش في مرضي الأخير بس وقفت معايا جامد قوي ساعة ماما ودايما تقول لي لو احتجتي أي حاجة اسأليني، وتامر حسني نفس الحاجة هو اللي قام بمراسم ماما أصلا أنا ما كنتش أصلا بقف على طول يعني أنا كنت بقع فما نزلتش ما عملتش حاجه تامر اللي عمل".

وأكملت مي عز الدين: "وفي آخر تعب ليا في المستشفى والعملية اللي عملتها دي تامر حسني جاللي على طول ودي حاجة من قلوب الناس دي بجد لأن الحاجات دي أو بالذات حياتي أنا مابتتصورش هو عرف من السوشيال ميديا برده ولكن على طول اتحرك واتصل بصديقتي الأنتيم وعرف احنا فين وسأل على المستشفى وكلم زوجي وجه وقضى معاه اليوم كله في المستشفى وبهدل الدنيا وضحك الممرضات وقعد يضحكني لما كانت كل الغرز هتفتح".

يذكر أن مي عز الدين غابت عن موسم رمضان 2026، بعد خروج مسلسلها "قبل وبعد" من السباق الرمضاني.

وكانت مي عز الدين شاركت في رمضان 2025 بمسلسل "قلبي ومفتاحه" مع آسر ياسين ودياب وأشرف عبد الباقي وعايدة رياض وسما إبراهيم وأحمد خالد صالح ومحمود عزب، تأليف وإخراج تامر محسن.