نبيلة عبيد تحكي كواليس ضرب أحمد زكي لها بالقلم في "شادر السمك"

نهال ناصر

نهال ناصر تاريخ النشر: السبت، 30 مايو 2026 | آخر تحديث:

نبيلة عبيد

استعادت الفنانة نبيلة عبيد ذكريات تعاونها مع الفنان أحمد زكي وحكت كواليس واحد من أصعب المشاهد التي قدمتها معه في فيلم "شادر السمك".

وحكت نبيلة عبيد خلال لقائها في برنامج "سهرة العيد" مع شيرين الشايب عبر القناة الأولى: "المشكلة كانت أن أحمد زكي الله يرحمه ممثل عظيم لما يجي يضربني متعرفيش القلم هينزل فين وقفنا قدام الكاميرا وكلمته بلطف شديد جدا قلتله أنت هتضرب إزاي؟ قالي معرفش، بصيت لعلي عبد الخالق قلتله مش عارف هيضرب إزاي ما هو لو ضربني ممكن التصوير يتعطل، اسأله بس القلم هينزل إزاي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت نبيلة عبيد: "قلنا له لا يا أستاذ أحمد لازم تعرف وأديته خدي راح نازل على خدي ضربني سنتي نزلت على شفتي وانجرحت، بصيت له كده قلت لا لازم يعرف هو هيضرب فين ممكن يضرب في حتة حساسة جدا مكملش التصوير لازم يتفقوا".

نرشح لك: أحمد حلمي يشيع جثمان والدته لمثواها الأخير ... وزوجته منى زكي وابنتهما ليلي بجواره في هذه اللحظات

وأكملت نبيلة عبيد: "نزل أحمد زعلان وغضبان وأنا فضلت مستنية لأن المشهد لازم يتصور لأنه اللي بيطلقني فيه في الفيلم، هو كان متعصب وأنا استعديت قلت خلاص زي ما يضربني، صورنا المشهد وضربني القلم، القلم دا صحاني وخلاني زي الأسد المفترس، المشهد كان من المشاهد الصعبة اللي عملتها".

وفيلم "شادر السمك" إنتاج سنة 1986 وبطولة نبيلة عبيد وأحمد زكي ومحمد رضا وصبري عبد المنعم وعلي الشريف ومحمد رضا، تأليف نبيل نصار وإخراج علي عبد الخالق.