دينا: أنا بتعامل مع ربنا بنيتي ... مبعملش معصية وبقول أدعية قبل وصلة الرقص

نهال ناصر

نهال ناصر تاريخ النشر: السبت، 16 مايو 2026 | آخر تحديث:

دينا

ردت الفنانة دينا على سؤال إن كانت تشعر أنها ترتكب معصية كونها راقصة.

وقالت دينا في لقاء مع رابعة الزيات ببرنامجها "شو القصة": " أنا بتعامل مع نيتي لربنا أنا مبعملش معصية، النية من جوا مفيهاش معصية، وأنا حتى لو مرقصتش كنت هلبس عريان كنت هرتكب نفس الحرمانية مش هتفرق".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت دينا مؤكدة أنها لا تخاف سوى الله قائلة: "أنا بخاف من ربنا هو الوحيد اللي بخاف منه، حب الفن دا حاجة واحترامك لنفسك كبني آدمة دا موضوع تاني، افعل ولا تفعل أنا اللي بحط قوانين لنفسي معنديش حد فوقي يحطلي قوانين لما بقول مش هعمل كذا بيبقى أنا مش عايزة أعمل كذا".

نرشح لك: بحضور ديمي مور وياسمين صبري ورامي مالك ... مؤسسة البحر الأحمر السينمائي تكرم 6 مواهب باحتفالية المرأة في السينما

وعن الأدعية التي تقولها قبل بدء وصلة الرقص قالت دينا: "قبل ما ابدأ وصلة الرقص بقول "اللهم خير حافظا وهو ارحم الراحمين من أمامي ومن خلفي ومن يميني ومن يساري ومن تحتي ومن فوقي" وبقول أدعية تانية لأن ممكن نلجأ لمين غير ربنا؟ هو أحسن حاجة في الحياة هعمل إيه قبل ما ابدأ أي حاجة".

وتابعت دينا: "أنا حجيت مرة واحدة هو اسقاط فرضية وربنا ينولنا التانية، ورحت العمرة كتير مش فاكرة بروح كتير كل ما يبقى عندي الحظ ويجيلي البخت إني أروح بروح بحب، واللي بعيشه هناك حالة حب، حب ربنا هو الحب الكبير اللي أكبر من أي حب عشان كده أنا مش محتاجة حب، أنا مش واخدة الدين ولا ربنا من منطلق أن انتي طلعتي لقيتي نفسك مسلمة لازم تبقي مسلمة أنا بحب ربنا وفي بيني وبينه علاقة".