محمود سعد عن حلقته مع ضياء العوضي: مكنتش ضده ولا معاه وهاجمني بعد الحلقة بسبب اختلافنا

نهال ناصر

نهال ناصر تاريخ النشر: الاثنين، 4 مايو 2026 | آخر تحديث:

محمود سعد

رد الإعلامي محمود سعد على الجدل الذي أثير بسبب حلقته مع الدكتور ضياء العوضي والتي أثارت جدلا بين معجب بها ومعارض لاستضافته وترويجه لنظامه.

وفي بث مباشر عبر صفحته على Facebook رد محمود سعد على أسئلة جمهوره وقال: "أنا مكنتش ضده ولا معاه هو واحد بيطرح طرح وبنقول نستنى ونفهم، الدكتور بيقول حاجات كتير في حاجات لازم نقف عندها، أنا في الآخر قلت أنه بيقول كلام مهم وأهميته بترجع أن في 750 ألف واحد على الصفحة بتاعته وبيتعالجوا عنده وبالتالي دا كلام بيتنفذ وقلت الدكاترة تشوف وخرجت من الأمر وخلاص".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع محمود سعد: "بعدها بيومين تلاتة هاجمني لأننا بعد التسجيل اختلفنا كتير قلت أنا مفيش خلاف بيني وبينه بيعمل تغذية يعمل زي ما هو عايز لكن خلي بالكم محدش يبطل دواء إلا بتعليمات الدكتور اللي بتتعالج عنده".

نرشح لك: شارك في فيلم لإسماعيل يس في طفولته وأبهر المشاهدين بدور سيد درويش طفلا وتصدى للمهرجانات واختار هذا الفنان ليحمل راية الفن بعده وعاتب الله بعد وفاة ابنته … 33 معلومة عن "أمير الغناء العربي" هاني شاكر

ضياء العوضي

وأكمل محمود سعد: "الحكاية عماله تكبر وأنا قرأت التاريخ ومتأكد أن التاريخ كل لحظة بيعيدها والناس مش بتتعلم، اللي بيحصل دا حصل مرة واتنين وآلاف المرات اللي هو الرأي وتلاقي الناس بتقوله طيب إحنا سمعنا أو شفنا، في ناس بتقول إني كنت ضد ضياء العوضي وناس بتقولي إني دلعته على الآخر ودا مكتوب في السوشيال ميديا، أنا مبقتش عارف إيه القصة ولا فاهم إيه المطلوب لكن فاهم حاجة واحدة بس إن اللي بيحصل دا أمر محزن ورغم إنه شايفه حصل في التاريخ كتير لكن الدنيا اتطورت أوي العالم بيطير وإحنا بنرجع".

وكان محمود سعد استضاف الدكتور ضياء العوضي في برنامجه الذي يقدمه عبر حساباته في مواقع التواصل الاجتماعي عام 2023، وعادت الحلقة للتريند من جديد بعد وفاة "العوضي".

يذكر أن محمود سعد حذف الحلقة وكشف عن السبب قائلا: "بناء على اتصال من السادة مسؤولي المجلس الأعلى لتنظيم الإعلام تم حذف فيديو حلقة د. ضياء العوضي من قناة اليوتيوب التزاما بقرار المجلس بمنع نشر أو تداول أي مقاطع مصورة أو مسموعة أو مقروءة للدكتور ضياء العوضي".